|
Dr 6. Juli isch dr 187. Dag vum Gregorianische Kalender (dr 188. in Schaltjohr), dodermit blybe no 178 Däg bis zum Änd vum Johr.
Was isch bassiert?
Dr Jan Hus uf em Schyterhufe
Frida Kahlo
- 371 v. d. Z.: Schlacht vo Leuktra wo d Thebe as ersti griechischi Stadt e spartanischi Armee in ere offene Fäldschlacht gschlaage het.
- 1415: Dr tschechisch Reformator Jan Hus wird uf em Konschtanzer Konzil as Chetzer verbrännt, drotz ass em vum Chenig Sigismund frei Glait zuegsait woren isch.
- 1535: Dr änglisch Staatsmann un Autor Thomas Morus wird uf em Londoner Tower Hill hiigrichtet, wel är as Katholik dr Suprematsaid nit will ablege.
- 1630: Dr schwedisch Chenig Gustav II. Adolf landet mit eme Heer vu 13.000 Mann z Dytschland un gryft in dr Dryssgjehrige Chrieg yy.
- 1885: Dr Louis Pasteur teschtet erfolgryych syy Impfstoff gege Dollwuet am Joseph Meister, eme Bue us em Elsass, wu vun eme dollwietige Hund bisse wore isch.
- 1938: Dr Aschtronom Seth Barnes Nicholson entdeckt dr Lysithea, ain vu dr ussere Zwärgmend vum Planet Jupiter.
- 1964: Malawi wird unabhängig vu Großbritannie.
- 1975: D Komore wäre unabhängig vu Frankrych.
Uf d Wält chuu
- 1854: Ida Bindschedler, Schwyzer Chinderbuechautorin
- 1887: Marc Chagall, russisch-franzesische Moler
- 1907: Frida Kahlo, mexikanischi Moleri
- 1918: Rudolf Vallendor, dytsche Dialäktdichter
- 1935: Tenzin Gyatso, tibetische Mench un Dalai Lama
- 1946: George W. Bush, US-amerikanische Bresidänt
- 1955: Carmen Birchmeier-Kohler, dytsch-schwyzerischi Genforscheri un Entwickligsbiologi
- 1975: 50 Cent, US-amerikanische Rapper
- 1997: Fabian Bösch, Schwyzer Schyfahrer
Gstorbe
- 1476: Regiomontanus, spotmittelalterlige Mathematiker, Aschtronom un Verleger
- 1535: Thomas Morus, änglische Staatsmann un Autor
- 1950: Jakob Thommen, Schwyzer Mediziner
- 1971: Louis Armstrong, US-amerikanische Jazzmusiker
- 2010: Georg Philippi, dytsche Botaniker
- 2010: Fritz Teufel, dytsche Bolitiaktivischt
Weblink
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.