Tréscaoilteacht

Airí maighnéadach ábhar. Cóimheas an fhloscdhlúis mhaighnéadaigh, B, san ábhar agus neart an réimse mhaighnéadaigh, H, a cuireadh i bhfeidhm air. Úsáidtear an tsiombail μ di, agus is é a haonad ná hanraí in aghaidh an mhéadair (H m^-1). Mar sin, B = μ H. Tréscaoilteacht folúis, μ₀ = 4 π × 10^-7 H m^-1, tairiseach bunúsach a thagann san áireamh an t-am ar fad sa mhaighnéadas. In ábhair pharamaighnéadacha, μ > μ₀ agus an floscdhlús níos mó ná i bhfolús. In ábhair fhearómaighnéadacha, μ > > μ₀ agus an floscdhlús i bhfad níos mó ná i bhfolús. In ábhair dhiamaighnéadacha, μ < μ₀ agus an floscdhlús níos lú ná folús. Tá gaol bunúsach idir tréscaoilteacht mhaighnéadach folúis, μ₀, agus ceadaíocht leictreach folúis, ε₀, mar seo: 1/c² = μ₀ ε₀ (is é c luas tairiseach forleata solais i bhfolús).[1]

Tréscaoilteacht

Foirmle	${\displaystyle {\boldsymbol {B}}=\mu {\boldsymbol {H}}}$