Leabharlann Náisiúnta na Fraince

Is í Leabharlann Náisiúnta na Fraince (Fraincis: Bibliothèque nationale de France, giorraithe mar BnF) an taisce oifigiúil sa Fhrainc i gcomhair leabhar a fhoilsítear sa tír úd. Tá leabhair inti a foilsíodh i dtíortha eile freisin. Tá 40 milliún mír i mbailiúcháin BnF, 14 milliún leabhar agus tréimhseachán san áireamh. Is í an leabharlann is mó sa Fhrainc agus ar cheann de leabharlanna móra an domhain. Tá sí suite i bPáras.

WD Bosca Sonraí Foirgneamh Leabharlann Náisiúnta na Fraince
Ainmnithe in ómós	François Mitterrand
Sonraí
Cineál	Leabharlann náisiúnta agus foilsitheoir
Foirgníocht	1537
Suíomh geografach
Limistéar riaracháin	2ú arrondissement Pháras, An Fhrainc
Suíomh	Páras
48.833611111111°N 2.3758333333333°E / 48.833611111111; 2.3758333333333
Remarkable Contemporary Architecture (en)
Gníomhaíocht
Líon fostaithe	2,239 (2019)
Cuairteoirí in aghaidh na bliana	926,000 (2018)
Suíomh gréasáin oifigiúil	bnf.fr

Foirgneamh de chuid Leabharlann Náisiúnta na Fraince i Sráid Richelieu i lár Pháras

Téann bunús Leabharlann Náisiúnta na Fraince siar go leabharlann ríoga Charles V a chuir sé ar bun sa bhliain 1368. Díoladh na leabhair ar a bháis, áfach, agus tugadh go Sasana iad. Chuir Louis XI leabharlann ríoga ar bun arís sa bhliain 1461, agus is as an mbailiúchán úd a d'fhás an leabharlann náisiúnta atá ann inniu. Cuireadh go mór leis an mbailiúchán le linn Réabhlóid na Fraince mar gheall ar bhailiúcháin phríobháideacha na huasaicme agus na cléire a glacadh seilbh orthu, agus faoin mbliain 1792, bhí 300,000 imleabhar sa leabharlann.