Kalinders
Gregoriaanske kalinder	1955 MCMLV
Ab urbe condita	2708
Armeenske kalinder	1404 ԹՎ ՌՆԴ
Etiopyske kalinder	1947 – 1948
Hebriuwske kalinder	5715 – 5716
Hindoekalinders
- Vikram Samvat	2010 – 2011
- Shaka Samvat	1877 – 1878
- Kali Yuga	5056 – 5057
Iraanske kalinder	1333 – 1334
Islamityske kalinder	1375 – 1375
Juliaanske kalinder	Gregoriaansk min 13 dgn.
Sineeske kalinder	4651 – 4652 辛午 – 壬未

1955 is in gewoan jier dat begjint mei in sneon. (Gregoriaanske kalinder foar 1955.) Dit jier makket ûnderdiel út fan it desennium fan 'e 1950-er jierren.

Foarfallen

• 17 jannewaris - De earste atoomûnderseeër, de Nautilus, fart út.
• 3 febrewaris - Earste útstjoering op de Nederlânske tillefyzje (troch de KRO) fan it populêre berneprogramma Dappere Dodo.
• 5 febrewaris - It Frânske regear fan Pierre Mendès France tsjinnet syn ûntslach yn.
• 8 febrewaris - Georgy Malenkov tsjinnet syn ûntslach yn as premier fan 'e Sovjet-Uny, en wurdt opfolge troch Nikolaj Bûlganin.
• 1 april - Yn 'e Britske koloanje Syprus docht de fersetsbeweging EOKA, dy't de enosis (oansluting) fan Syprus by Grikelân foarstiet, ferskate bomoanslaggen op regearingsgebouwen.
• 5 april - Winston Churchill jout it premierskip fan it Feriene keninkryk oer.
• 12 april - De Amerikaanske wittenskipper Jonas Salk makket de ûntwikkeling fan in faksên tsjin 'e sykte polio bekend.
• 18 april - Yn Hongarije wurdt de moderate premier Imre Nagy ûnder fuotten helle troch 'rjochtsinnige' kommunisten ûnder lieding fan Mátyás Rákosi, de foarsitter fan 'e (kommunistyske) Hongaarske Arbeiderspartij.
• 20 april - De earste ôflevering fan Swiebertje (mei Joop Doderer yn 'e haadrol) wurdt op 'e Nederlânske tillefyzje útstjoerd troch de NCRV.
• 6 maaie - West-Dútslân wurdt lid fan 'e NATO.
• 14 maaie - De Sovjet-Uny, Poalen, de DDR, Tsjechoslowakije, Hongarije, Roemeenje, Bulgarije en Albaanje rjochtsje it Warsjaupakt op.
• 15 maaie - Eastenryk kriget nei in tsienjierrige besetting troch de Alliëarden út 'e Twadde Wrâldoarloch syn soevereiniteit werom. Oars as Dútslân bliuwt it net opdield yn in Westerske en in Eastbloksône. Yn ruil dêrfoar moat it in garânsje ôfjaan dat it in neutrale posysje behâlde sil tusken dy beide bûnsgenoatskippen.
• 2 juny - Nei sân jier fan bittere ferwiten oer en wer fermoedsoenje Joegoslaavje en de Sovjet-Uny harren, hoewol't Joegoslaavje as iennichste kommunistyske lân in selsstannige koerts fart en net weromkeart yn 'e boezem fan it Warsjaupakt.
• 19 augustus - De orkaan Diane treft it noardeasten fan 'e Feriene Steaten. Der falle mear as 200 deaden en der wurdt foar mear as $1 miljard oan skea oanrjochte.
• 26 oktober - Súd-Fjetnam wurdt ûnôfhinklik fan Frankryk.
• 1 novimber - De Fjetnamoarloch of Twadde Yndosineeske Oarloch begjint as in konflikt tusken it kapitalistyske Súd-Fjetnam en it kommunistyske Noard-Fjetnam.
• 22 novimber - De Sovjet-Uny lit foar it earst, by wize fan proef, in wetterstofbom ûntploffe.
• 24 novimber - Earste proefflecht fan 'e Fokker Friendship.
• 1 desimber - By in ferneamd ynsidint wegeret de swarte frou Rosa Parks yn in bus yn Montgomery (Alabama), yn it suden fan 'e Feriene Steaten, om har plak ôf te stean oan in blanke mei-passazjier as hja dêrta sommearre wurdt troch de bussjauffeur. Dyselde skillet dêrop de plysje, dy't Parks arrestearret.
• 5 desimber - De Amerikaanske Boargerrjochtebeweging stelt de Busboycot fan Montgomery yn.

Berne

jannewaris

• 5 - Ella Kalsbeek, Nederlânsk politika
• 6 - Rowan Atkinson, Ingelsk akteur
• 7 - Belinda Meuldijk, Nederlânsk skriuwster en lietsjeskriuwster
• 17 - Hans de Boer, Frysk ûndernimmer en bestjoerder († 2021)
• 18 - Kevin Costner, Amerikaansk akteur en regisseur
• 18 - Hans van Tongeren, Nederlânsk akteur († 1982)
• 19 - Simon Rattle, Ingelsk dirigint
• 19 - Michiel Romeyn, Nederlânsk akteur en programmamakker
• 26 - Eddie van Halen, Nederlânsk-Amerikaansk muzikant
• 30 - Wiebe Nijenhuis, Frysk sterke man († 2016)

febrewaris

• 3 - Mike Horner, Amerikaansk pornoakteur
• 7 - Miguel Ferrer, Amerikaansk akteur († 2017)
• 9 - Eeltsje Hettinga, Frysk skriuwer en dichter
• 16 - Marga Claus, Frysk skriuwster
• 20 - Klaas Werumeus Buning, Frysk keunstner
• 24 - Steve Jobs, Amerikaansk software-ûntwikelder († 2011)

maart

• 1 - Denis Mukwege, Kongoleesk gynekolooch en Nobelpriiswinner
• 2 - Wiebe Bergsma, Frysk histoarikus († 2015)
• 9 - Doeke Sijens, Frysk skriuwer
• 14 - Jelle Bangma, Frysk puslisist

april

• 11 - Julie E. Czerneda, Kanadeesk skriuwster
• 12 - Frosty Calf Boss Ribs, Amerikaansk politika
• 12 - Meindert Schroor, Frysk geograaf en skiedkundige
• 15 - Dodi al-Fayed, Egyptysk ûndernimmer († 1997)
• 20 - Hessel van der Kooy, Skylger kafeehâlder en sjonger
• 28 - Saeb Erekat, Palestynsk politikus en diplomaat († 2020)
• 29 - Leslie Jordan, Amerikaansk akteur († 2022)

maaie

• 17 - Bill Paxton, Amerikaansk akteur († 2017)
• 19 - Sjoerd Dirk Janzen, Frysk keunstner († 2006)

juny

• 12 - Minne Dijkstra, Frysk ûndernimmer, direkteur Koopmans Moalfabriken, en sportbestjoerder († 2010)
• 28 - Eberhard van der Laan, Nederlânsk abbekaat en PvdA-politikus († 2017)

july

• 15 - Jan Rijpstra, Nederlânsk politikus en bestjoerder.
• 16 - Tsjisse Hettema, Frysk skriuwer en dichter († 2021)
• 31 - Eelke Scherjon, Frysk klompmakker en fierljeptrener († 2012)

augustus

• 13 - Sietse de Vries, Frysk skriuwer

septimber

• 2 - Natalja Petroeseva, Russysk reedrydster
• 6 - Anne Henning, Amerikaansk reedrydster
• 11 - Fay Lovsky, Nederlânsk sjongster en komponiste
• 30 - Harke Bremer, Frysk oersetter en skriuwer († 2023)

oktober

• 15 - Tanya Roberts, Amerikaanske aktrise († 2021)

novimber

• 15 - Buck Adams, Amerikaansk pornoakteur en -regisseur († 2008)
• 19 - Rasti Rostelli, Nederlands yllúzjonist
• 19 - Liz Snoijink, Nederlânsk aktrise
• 25 - Connie Palmen, Nederlânsk skriuwster
• 30 - Billy Idol, Amerikaansk sjonger

desimber

• 5 - Marianne Weber, Nederlânsk sjongster
• 7 - Ivan Fernald, Surinaamsk politikus
• 13 - Lutz Jacobi, Frysk politika
• 20 - Pierre Bokma, Nederlânsk akteur
• 24 - Jan Giro, Frysk muzikant († 2005)
• 24 - Clarence Gilyard jr., Amerikaansk akteur († 2022)

datum ûnbekend

• septimber - Bud Lee, Amerikaansk pornoregisseur en -produsint
• Wim Bakker, Nederlânsk politikus en bestjoerder († 2014)
• Roy Whitney, Kanadeesk politikus

Ferstoarn

• 22 jannewaris - Tjipke Visser, Frysk byldhouwer (* 1876)
• 29 maart - Broer Doekeles Dykstra, Frysk-Amerikaansk útjouwer, predikant en publisist (* 1871)
• 20 juny - Kor Ket, Frysk fioelist en dirigint (* 1920)
• 20 juny - Nanne Ottema, Frysk konservator (* 1874)
• 4 augustus - Jacob Nieweg, Frysk keunstskilder (* 1877)
• 20 oktober - Gerben Sonderman, Frysk piloat en fersetsstrider (* 1908)
• 22 novimber - Guy Ropartz, Bretonsk komponist (* 1864)
• 29 novimber - Jan Planting, Frysk keunstskilder (* 1893)

Literatuer

romans

• J.R.R. Tolkien, The Return of the King

toaniel

• Tormod Skagestad, Under Treet Ligg Øksa (oerset yn it Frysk as De Bile Leit ûnder de Beam)

Films

• Guys and Dolls
• Lady and the Tramp
• Oklahoma!

Boukeunst

• 
  Tonnemafabryk, Snits (1955) Johannes Albertus Boer