Kalinders
Gregoriaanske kalinder	1937 MCMXXXVII
Ab urbe condita	2690
Armeenske kalinder	1386 ԹՎ ՌՅՁԶ
Etiopyske kalinder	1929 – 1930
Hebriuwske kalinder	5697 – 5698
Hindoekalinders
- Vikram Samvat	1992 – 1993
- Shaka Samvat	1859 – 1860
- Kali Yuga	5038 – 5039
Iraanske kalinder	1315 – 1316
Islamityske kalinder	1356 – 1356
Juliaanske kalinder	Gregoriaansk min 13 dgn.
Sineeske kalinder	4633 – 4634 癸子 – 甲丑

1937 is in gewoan jier dat begjint mei in freed. (Gregoriaanske kalinder foar 1937.) Dit jier makket ûnderdiel út fan it desennium fan 'e 1930-er jierren.

Foarfallen

• 1 jannewaris - De Nikaragûaanske diktator Anastasio Somoza García lit himsels nei ûnfrije ferkiezings ynswarre as presidint.
• 7 jannewaris - De Nederlânske kroanprinsesse Juliana trout mei prins Bernhard von Lippe-Biesterfeld.
• 18 maart - By de Untploffing op de New London School, yn New London, yn 'e Amerikaanske steat Teksas, komme 300 minsken om.
• 20 maart - Yn 'e Spaanske Boargeroarloch liede de faksisten fan generaal Francisco Franco en it mei him ferbûne Italjaanske Corpo Truppe Volotarie (CTV) in swiere nederlaach yn 'e Slach by Guadalajara.
• 26 april - It Dútske Kondorlegioen, dat oan faksistyske kant meifjochtet yn 'e Spaanske Boargeroarloch, fiert it Bombardemint fan Guernica út op 'e republikeinske stêd Guernica, de âlde haadstêd fan Baskelân. Dêrby falle mear as 200 boargerdeaden.
• 3 maaie - Yn Kataloanje brekke gefjochten út tusken ûnderskate republikeinske faksjes: it sosjalistyske regear fan 'e regio en de kommunisten nimme it op tsjin anargistyske arbeiders en oanhingers fan 'e POUM, in lytse radikaal-sosjalistyske partij. Dit ûnderminet de mienskiplike oarlochsynset tsjin 'e faksisten yn it ramt fan 'e Spaanske Boargeroarloch, en it liedt ta it ôftreden fan it Spaanske regear fan premier Francisco Largo Caballero.
• 6 maaie - It Dútske loftskip de Hindenburg ûntploft yn 'e loft boppe Lakehurst, yn 'e Feriene Steaten. Der komme 36 minsken om.
• 17 maaie - Yn Spanje wurdt in nij republikeinsk regear foarme troch premier Juan Negrín.
• 27 maaie - Yn San Francisco wurdt de Golden Gate-brêge iepene.
• 30 maaie - By it Bloedbad fan Memorial Day komme yn 'e Amerikaanske stêd Chicago tsien arbeiders fan 'e Republican Steel-fabriken om en reitsje mear as tachtich swierferwûne as de plysje it fjoer iepenet op in demonstraasje fan fakbûnsleden.
• 13 juny - Yn it ramt fan 'e Grutte Suvering wurde yn 'e Sovjet-Uny acht hege ofsieren fan it Reade Leger terjochtsteld, ûnder wa de yn ûngenede fallen sjef fan de generale stêf, maarskalk Michail Tûchatsjevski.
• 15 juny - De âlderdoms- en wurkleasheidsfersekering yn it ramt fan 'e Social Security Act fan 'e Amerikaanske presidint Franklin D. Roosevelt wurde troch it Amerikaansk Heechgerjochtshôf grûnwetlik ferklearre. Dêrmei liede Roosevelt syn konservative politike tsjinstanners in gefoelige nederlaach.
• 1 july - De Spaanske biskoppen fan 'e Roomsk-Katolike Tsjerke sprekke yn it ramt fan 'e Spaanske Boargeroarloch ûndûbelsinnich harren stipe út foar de faksistyske opstannelingelieder generaal Francisco Franco.
• 2 july - De Amerikaanske piloate Amelia Earhart ferdwynt boppe de Stille Oseaan as se besiket om 'e wrâld te fleanen.
• 7 july - Japanske troepen falle Sina binnen nei in ynsidint op de Marco Polobrêge by Peking. Dit is it begjin fan 'e Twadde Sineesk-Japanske Oarloch.
• 19 july - Yn Hollywood giet de film Spanish Earth yn premiêre. It is in dokumintêre oer de Spaanske Boargeroarloch fan 'e hân fan 'e kommunistyske Nederlânske sineäst Joris Ivens, dêr't ferneamde Amerikanen oan meiwurke hawwe, lykas skriuwer John Dos Passos, regisseur Orson Welles en skriuwer en sjoernalist Ernest Hemingway.
• 14 augustus - Yn reäksje op 'e Japanske ynfaazje ferkearret Sina Japan formeel de oarloch.
• 20 augustus - Yn nazy-Dútslân wurdt troch SS-lieder Heinrich Himmler it konsintraasjekamp Buchenwald oprjochte.
• 1 septimber - Begjin fan 'e Slach om Gijón yn it ramt fan 'e Spaanske Boargeroarloch.
• 10 septimber - De nasjonalisten en kommunisten yn Sina lizze de ûnderlinge striid yn it ramt fan 'e Sineeske Boargeroarloch tydlik stil mei it each op it útbrekken fan 'e Twadde Sineesk-Japanske Oarloch. It Sineeske Reade Leger fan Mao Zedong sil ûnder de namme fan it Sineeske 8e Leger dielnimme oan 'e striid tsjin 'e Japanners.
• 21 septimber - By de Ingelske útjouwerij George Allen & Unwin komt it berneboek The Hobbit út, fan auteur J.R.R. Tolkien.
• 3 novimber - In konferinsje yn 'e Belgyske haadstêd Brussel om ta in freedsume oplossing te kommen foar it konflikt tusken Sina en Japan wurdt troch Japan boycotten.
• 10 novimber - Yn Brazylje wurdt in nije grûnwet fan krêft, dy't de diktatuer fan presidint Getúlio Vargas in wetlike grûnslach jout. Tagelyk kundiget Vargas syn Estado Novo-programma ôf ("Nije Steat"), dat de diktatuer in 'freonlik gesicht' jout.
• 14 desimber - Yn 'e Twadde Sineesk-Japanske Oarloch nimme Japanske troepen de Sineeske haadstêd Nanjing yn, en rjochtsje dêr it Bloedbad fan Nanjing oan ûnder de boargerbefolking, wêrby't teminsten 200.000 minsken deasketten, ferdronken, libben ferbrând of libben begroeven wurde.
• sûnder datum - It 126 km lange Moskou-Wolga-kanaal komt ree, dat de rivier de Moskwa ferbynt mei de rivier de Wolga.

Berne

jannewaris

• 2 - Martin Ros, Nederlânsk útjouwer, publisist en literatuerkritikus († 2020)
• 3 - Glen A. Larson, Amerikaansk tillefyzjeprodusint († 2014)
• 10 - Rindert Straatsma, Frysk bestjoerder en frisiast († 2006)
• 14 - Bernlef, Nederlânsk skriuwer en dichter († 2012)
• 18 - John Hume, Noardiersk politikus en Nobelpriiswinner († 2020)
• 22 - Sytze Faber, Frysk politikolooch-bestjoerskundige en kollumnist
• 22 - Arie Ribbens, Nederlânske sjonger († 2021)

febrewaris

• 12 - Sipke van der Land, Frysk predikant, skriuwer en presentator († 2015)
• 20 - Joop Stokkermans, pianist en komponist († 2012)

maart

• 6 - Jos van Kemenade, Nederlânsk politikus, heechlearaar en bestjoerder († 2020)
• 8 - Klara Gûseva, Russysk reedrydster († 2019)

april

• 15 - Jerre Hakse, Frysk keunstner
• 19 - Andries Miedema, Frysk dichter
• 28 - Jaap Sjoerdsma, Frysk politikus en orkestbestjoerder († 2010)

maaie

• 10 - Gauke Nijholt, Frysk reedriderstrener († 2010)
• 13 - Roger Zelazny, Amerikaansk skriuwer († 1995)
• 15 - Trini Lopez, Amerikaansk-Meksikaanske sjonger († 2020)

juny

• 1 - Morgan Freeman, Amerikaansk akteur
• 15 - Waylon Jennings, Amerikaansk countrysjonger († 2002)
• 30 - Guus Hellegers, Nederlânsk byldzjend keunstner († 2019)

july

• 3 - Tom Stoppard, Tsjechysk-Ingelsk toaniel- en senarioskriuwer
• 11 - Dolf de Vries, Nederlânske akteur en auteur fan reisboeken († 2020)

augustus

• 7 - John Kuipers, Nederlânsk akteur, dûnser en koreograaf († 2013)
• 9 - Renato Longo, Italjaansk hurdfytser († 2023)

septimber

• 18 - Teake van der Meer, Frysk kabaretier en komyk († 2020)
• 19 - Henk Hofstede, Nederlânske fakbûnsbestjoerder en politikus († 2020)
• 24 - Antoon van Hooff, Nederlânsk dieretúndirekteur en presintator († 2004)
• 24 - A.L. Snijders, Nederlânsk skriuwer († 2021)

oktober

• 14 - Liselore Gerritsen, Nederlânske sjongster en skriuwster († 2020)
• 21 - Herman Makkink, Nederlânsk keunstner († 2013)

novimber

• 12 - Janine van Wely, Nederlânsk aktrise en kabaretiêre († 2022)
• 14 - Vittorio Adorni Italjaansk hurdfytser († 2022)
• 21 - Harmen Abma, Frysk keunstner († 2007)

desimber

• 1 - Vaira Vīķe-Freiberga, presidinte fan Letlân
• 5 - Johannes Boersma, Nederlânsk wiskundige († 2004)
• 30 - Hans van Wijnen, Nederlânsk follyballer († 1995)
• 31 - Barry Hughes, Welsk fuotballer, fuotbaltrainer en sjonger († 2019)

Ferstoarn

• 8 maart - Albert Verwey, Nederlânsk letterkundige (* 1865)
• 15 maart - H.P. Lovecraft, Amerikaansk skriuwer (* 1890)
• 27 april - Theodoor Hendrik van de Velde, Nederlânsk gynekolooch en publisist (* 1873)
• 19 juny - J.M. Barrie, Skotsk skriuwer (* 1860)
• 2 july - Amelia Earhart, Amerikaansk loftfeartpionier (* 1897)
• 19 july - Egnatius Ydema, Frysk keunstskilder (* 1876)
• 2 septimber - Pierre de Coubertin, Frânsk sportbestjoerder, stifter fan de moderne Olympyske Spullen (* 1863)
• 26 septimber - Bessie Smith, Amerikaansk sjongster (* 1894)
• 9 novimber - Ramsay MacDonald, premier fan it Feriene Keninkryk, (* 1866)

Literatuer

romans

• J.R.R. Tolkien, The Hobbit (oerset yn it Frysk as De Hobbit)

Films

• Kar út Twa