Mpumalanga (Prowins)

Det Mpumalanga Prowins (iar Uast Transvaal, 1994-1995; üüb Swaasi: Sifundza seMpumalanga) as ian faan dön njüügen prowinsen faan Süüdaafrika. A nööm faan't prowins het Uast uun dön Swaasi, Xhosa, Süüd-Ndebele an Zulu Spriiken. At prowins leit uun a nuurduast faan't lun. Uun a nuurd leit det Limpopo Prowins, uun a nuurduast Mosambik, uun a süüduast lei Eswatini an det KwaZulu-Natal Prowins, uun a süüdwaast leit det Freistoot Prowins an uun a waast det Gauteng Prowins. Det hee 4.039.939 lidj (2011)[1]. At hoodsteed faan’t prowins as Mbombela.

Tekst üüb Fering


Det Mpumalanga Prowins uun Süüdaafrika

Geografii

At waastdial faan Mpumalanga leit üüb at huuchveld, en huuch flaaklun, diarüüb en grat dial faan't inlun uun Süüdaafrika leit. Uun a nuurduast san a Drakensberger. Uun a uast faan a Drakensberger as at liichveld, wat subtroopisk plaanter hee. Üüb at liichveld leit at süüddial faan de Kruger-Natschunaalpark, wat det gratst wiljbewaaringsgebiit uun Süüdaafrika as.

Steeden
Mpumalanga (Prowins) (Mpumalanga)
Mpumalanga (Prowins) (Mpumalanga)
eMalahleni
eMalahleni
eMalahleni
Middelburg
Middelburg
Middelburg
Embalenhle
Embalenhle
Embalenhle
Tweefontein
Tweefontein
Tweefontein
Standerton
Standerton
Standerton
Ermelo
Ermelo
Ermelo
Bethal
Bethal
Bethal
eMkhondo
eMkhondo
eMkhondo
Delmas
Delmas
Delmas
Koord faan det Mpumalanga Prowins

Dön tjiin gratst steeden uun't prowins san:

#SteedLidj (2011)[2]
1eMalahleni311.657
2Middelburg163.809
3Embalenhle118.889
4Tweefontein95.457
5Standerton84.383
6Ermelo83.735
7Bethal60.780
8Mbombela58.670
9eMkhondo57.428
10Delmas52.125

Iindialing faan Ferwalting
Koord faan a Munisipaliteeten faan det Mpumalanga Prowins

At prowins hee trii distrikt-munisipaliteeten:

  • Ehlanzeni
  • Gert Sibande
  • Nkangala

Befölkring

Det letst folksteeling wiar uun't juar 2011. Efter a resultooten hee't prowins 4.039.939 lidj: 2.065.883 faan a lidj san wüfhööd an 1.974.055 san karmen[3].

Spriiken
Ferdialing faan a Spriiken uun Mpumalanga (Folksteeling 2001):
  • Nian spriik hee en grat taal

    • Efter't folksteeling uun't juar 2001, 30,8 % faan a lidj uun't prowins snaaket Swaasi (SiSwati), 26,4 % Zulu (IsiZulu), 12,1 % Süüd-Ndebele, 10,8 % Nuurd-Sotho an 6,2 % Afrikaans[4].

    Histoore

    At prowins wurd 1994 üüs Uast Transvaal Prowins grünlaanjen, üüs det süüduast dial faan det Transvaal Prowins mä dialen faan a bantustanen KaNgwane, KwaNdebele, Gazankulu an Lebowa tuplaanjen wurd.

    Politiik
    Ferdialing faan a Sitsen uun't Parlament faan Mpumalanga sant 2019:
  • ANC (22)
  • DA (3)
  • EFF (4)
  • VF+ (1)

    • Det Mpumalanga Provincial Legislature as at parlament faan't prowins. Det weelet at kabinet an a premier-minister faan't prowins faan't partei of koalitschuun, wat dön miast lasmaaten uun't parlament hee. A premier-minister faan't prowins sant 2018 as Refilwe Mtsweni-Tsipane faan det African National Congress (ANC). Det ANC as sant 1994 det starkst partei uun't parlament.

    Dön ual premier-ministern san: David Mabuza (2009-2018), Thabang Makwetla (2004-2009), Ndaweni Mahlangu (1999-2004), Mathews Phosa (1994-1999).

    Wiartskap

    At prowins hed uun't juar 2016 en BIP faan 323.722 miljuunen Rand, wat 7,4 % faan't BIP faan Süüdaafrika as[5].

    Kwelen
    1. South Africa: Provinces and Major Urban Areas, citypopulation.de
    2. South Africa: Provinces and Major Urban Areas, citypopulation.de
    3. Mpumalanga: Province in South Africa, citypopulation.de
    4. Folksteeling faan 2001 (Resultoot üüs pdf; 624 kB) (Memento faan di 18. Mei 2012 uun't Internet Archive), s. 16.
    5. Stats SA, Provincial GDP Figures
    This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.