Pri la komunumo

Neuenkirch estas komunumo en la distrikto Sursee en Kantono Lucerno, Svislando. Ĝi havis 5927 loĝantojn je la 31-a de decembro 2008.

Geografio

La komunumo Neuenkirch situas sude de la Lago de Sempach. Ĝi konsistas el la tri partoj Neuenkirch, Hellbühl kaj Sempach-Station, krome al la komunumoj apartenas diversaj izolitaj setlejoj.

Najbaraj komunumoj

La komunumo Neuenkirch limas en nordo al Nottwil kaj Sempach, en nordoriento al Hildisrieden, en oriento al Rain kaj Rothenburg LU, en sudoriento al Emmen,en sudo al Littau kaj Malters, kaj en okcidento al Ruswil.

Trafiko

Neuenkirch estas bone konektita al la publika trafikreto. En la komunuma parto Sempach-Station troviĝas, kiel la nomo indikas la stacidomo de Sempach ĉe la linio de Svisaj Federaciaj Fervojoj de Lucerno al Olten. La vilaĝocentro de Neuenkirch atingeblas per poŝtaŭtolinio de Lucerno, kaj la vilaĝo Hellbühl situas ĉe la buslinio de Lucerno al Willisau.

La plej proksima aŭtovojaliro troviĝas en Emmen al la naciaj svisaj aŭtovojoj A2 kaj A14.

Historio

La unua dokumenta mencio de Neuenkirch datiĝas el la jaro 1256 latinlingve kiel nova ecclesia, kaj mezepokgermanlingve unuan fojon el la jaro 1259 kiel Nuwenkilch.

Neuenkirch apartenis en mezepoko plejparte al la habsburga distrikto Sempach. Post la Batalo de Sempach en la jaro 1386 la komunumo fariĝis posedaĵo de la urbo Lucerno.

Vidu ankaŭ

• Sempach-Neuenkirch (stacidomo)

Eksteraj ligiloj

• Oficiala retejo de la komunumo Neuenkirch
• Profilo de la komunumo sur la retejo de la kantono
• Neuenkirch en la Historia Leksikono de Svislando

Distrikto Sursee
Beromünster - Büron - Buttisholz - Eich - Geuensee - Grosswangen - Hildisrieden - Knutwil - Mauensee - Neudorf - Neuenkirch - Nottwil - Oberkirch - Pfeffikon - Rickenbach - Ruswil - Schenkon - Schlierbach - Sempach - Sursee - Triengen - Wolhusen