Le charme discret de la bourgeoisie (La diskreta ĉarmo de la burĝaro, 1972) estas franca filmo reĝisorita de la meksik-hispana kinisto Luis Buñuel. Kiel en multaj el la filmoj kiujn li faris, oni observeblas kelkaj scenoj kun karakteroj propraj de la superrealismo. Ĝi ricevis la Oskar-premion en 1972 al la Plej Bonkvalita Eksterlanda Filmo. Buñuel deziris fari la filmon en Hispanio, sed tio ne eblis pro la frankisma cenzuro. Konsiderata unu de la majstroverkoj de la tutmonda kino kaj unu de la plej laŭditaj de la kino de Buñuel.

Altklasuloj maltrafas invititan vespermanĝon kaj alternative decidas iri al proksima restoracio, sed alia malfacilaĵo okazas, nome la posedanto de la restoracio estis mortinta. Ekde tiam okazas aliaj neatenditaĵoj, el kiuj kelkaj estas realaj kaj aliaj estas produkto de ilia imagopovo. La alternado inter realo kaj sonĝo produktas surprizojn en la intrigo, en kiuj intervenas aliaj roluloj kiel militistoj, episkopo, policanoj, gerilanoj kaj kamparanoj, ĉiuj interrompante la frustritajn klopodojn de la unua sesopo vespermanĝi kaj distriĝi pro la ĉarmo esti burĝaj.

La filmo ricevis kelkajn premiojn, inter kiuj BAFTA, Oskar, Ora Globo kaj aliaj.