| Démoret | |
|---|---|
 Blazono de Démoret | |
| Blazono de Démoret | |
 Démoret | |
| Démoret | |
| komunumo en Svislando | |
| Kantono | Vaŭdo |
| Distrikto | Vaŭda Nordĵuraso |
| Koordinatoj | 46° 44′ 50″ N 6° 45′ 24″ O / 46.74722 °N, 6.75667 °O (mapo)Koordinatoj: 46° 44′ 50″ N 6° 45′ 24″ O / 46.74722 °N, 6.75667 °O (mapo) |
| Nombro de loĝantoj | 127 |
| Areo | 4,27 km² |
| Alteco | 733 m super marnivelo |
| Poŝtkodo | 1415 |
| Komunumkodo | 5912 |
 Mapo de Démoret | |
| Situa mapo de Démoret | |
Démoret estas komunumo en la distrikto Vaŭda Nordĵuraso en Kantono Vaŭdo, Svislando. Ĝi havis 127 loĝantojn je la 31-a de decembro 2012.
Geografio
La komunumo Démoret situas sur la molasaj montetoj de la Vaŭda Mezlando proksimume 6 kilometrojn sude de la Lago de Neŭŝatelo inter la valoj de Mentue kaj de Brojo. La kamapra komunumo konsistas el la vilaĝo Démoret kaj kelkaj izolitaj bienoj.[1]
La teritorio de la komunumo etendiĝas sur areo de 4,27 km², de kiuj 16,4% estas kovritaj de arbaro, 78,7% servas por agrikulturo kaj 4,7% por setlado. [2]
Najbaraj komunumoj
La komunumo Démoret limas en nordoriento al Chêne-Pâquier, en oriento al Champtauroz, en sudoriento al la friburga eksklavo Vuissens, en sudsudokcidento al Montanaire, en sudokcidento al Donneloye, kaj en okcidento kaj nordokcidento al Molondin.
Trafiko
Démoret situas flanke de la gravaj trafikvojoj. Tra la komunumo pasas konekta vojo de Yvonand al Prahins kaj aliaj vojoj kondukas al Champtauroz kaj Vuissens. La plej proksima alveturejo al la svisa aŭtovojo A1 situas proksimume 8 kilometrojn nordokcidente de la komunumo apud Yverdon-les-Bains.
Historio
La unua dokumenta mencio de Démoret datiĝas el la jaro 1154 kiel Donmores. Sur la komunuma teritorio estis trovitaj restaĵoj de foritkaĵo el la helveta epoko kaj muroj el la romia epoko. Dum mezepoko Démoret estis senjorujo, kiu une apartenis al la familio von Portalban kaj poste al la senjoroj de Fernay el Vuissens kaj Arma el Moudon. Sub la berna regado de 1536 ĝis la Helveta Revolucio de 1798 Démoret apartenis al la Voktejo Moudon. Post la Helveta Revolucio ĝi estis atribuita al la Distrikto Yverdon, kiu kun efiko de la 1-a de januaro 2008 surbaze de la administra reformo de 2006 estis integrita al la nova Distrikto Vaŭda Nordĵuraso.[3]
Notoj kaj referencoj
- ↑ Fonto: Reta mapo 1:20000 de Swisstopo Arkivigite je 2013-10-29 per la retarkivo Wayback Machine
- ↑ Fonto: Komunumdatumoj de la retejo de la Svisa Federacia Oficejo pri Statistiko, retejo konsultita la 5-an de novembro 2011
- ↑ Fonto: Philippe Heubi: Démoret en Historia Leksikono de Svislando (2004-03-18)
Eksteraj ligiloj
- Oficiala retejo de la komunumo Démoret Arkivigite je 2017-06-05 per la retarkivo Wayback Machine
- Vidu ankaŭ en la Vikimedia Komunejo la kategorion Démoret – (Kolekto de bildoj kaj plurmediaj dosieroj)
