Administra divido aŭ subŝtata ento estas ĝenra termino kiu aludas la diversajn dividaĵojn teritoriajn, kiujn uzas kaj bezonas la suverenaj ŝtatoj en ĉiu ajn nivelo, kutime, kiel politiko-administra organizado, kvankam tio povas esti utila ankaŭ por celoj militistaj, ekleziaj, juĝaj aŭ aliaj.

La diverseco de ŝtatoj tutmonde (ĉu grandaj ĉu malgrandaj, ĉu centrismaj ĉu federaj, ĉu demokratiaj ĉu diktatoraj) kaŭzas, ke la diversaj eblaj nomigoj ne similas de unu ŝtato al alia, eĉ inter najbaraj landoj. Ekzemple la provincoj de Hispanio estas multe pli grandaj ol la departementoj de Francio. Krome la diversaj lingvoj suferas malfacilaĵojn por traduki ĝuste tiom grandan diversecon de administraj dividoj de tiom da landoj, kaj same okazas en Esperanto.

Subŝtata ento kutime implicas lokan registaron aŭ administradon kiu inkludus diversajn loĝlokojn, distriktojn, municipojn aŭ provincojn kun ia grado de aŭtonomio, en diversaj fakoj kaj aferoj. La termino regiono foje estas divideblo uzata de ŝtatoj, sed plej ofte jam bazita sur geografiaj limoj, ĉu fizikaj ĉu ekonomiaj ĉu kulturaj.

La terminoj povas esti konfuzaj, ĉar ĉe ŝtatoj kiuj ne estas Nacio-ŝtato, povas okazi, ke la Subŝtataj entoj estas, reale, "nacioj". La Subŝtataj entoj estas koncepto diferenca de tiu de la dependaj areoj, ĉar la unuaj formas parton de la kerno de la respektiva Ŝtato.

Nomigoj

Kelkaj de la nomoj de la Subŝtataj entoj estas la jenaj:

Gubernioj

• 1-a nivelo:
  •  Egiptio: 27 muhafazat
  •  Irako: 18 muhafazat
  •  Kuvajto: 6 muhafazat
  •  Libano: 6 muhafazat
  •  Omano: 4 muhafazat
  •  Palestino: 16 muhafazat
  •  Sirio: 14 muhafazat
  •  Tunizio: 24 wilayas
  •  Jemeno: 19 muhafazat
  •  Japanio: 47 todōfuken
  • Rusia Imperio: 81 gubernii
  • Hispana Imperio: 34 gobernaciones

Vidu ankaŭ: Subgubernio

Municipoj

• 1-a nivelo:
  •  Libio 22 shabiyat
  •  Mongolio: 1 hot
  •  Ĉinio: 4 zhíxiáshì
  •  Tajvano: 5 zhíxiáshì
  •  Vjetnamio: 5 thành phố trực thuộc trung ương
• 2-a nivelo:
  •  Angolo: 163 munícipios
  •  Kubo: 168 municipios
  •  Kroatio: 429 općina
  •  Indonezio: 73 kota
  •  Japanio: 1 719 shikuchōson

Vidu ankaŭ: Eksterdistrikta urbo

Prefektujoj

• 1-a nivelo:
  •  Centr-Afrika Respubliko: 16 préfectures
• 2-a nivelo:
  •  Grekio: 51 nómoi (ĝis 2010)

Vidu ankaŭ: Subprefektujo

Provincoj

• 1-a nivelo:
  •  Alĝerio: 48 wilayas
  •  Angolo: 18 províncias
  •  Argentino: 23 provincias
  •  Bulgario: 28 oblasti
  •  Kanado: 10 provinces
  •  Ĉinio: 22 shěng
  •  Demokratia Respubliko Kongo: 11 provinces
  •  Kostariko: 7 provincias
  •  Dominika Respubliko: 31 provincias
  •  Finnlando: 20 maakunta
  •  Gabono: 9 provinces
  •  Indonezio: 33 propinsi
  •  Irano: 30 ostan
  •  Kenjo: 7 mkoa
  •  Kirgizio: 7 oblastar
  •  Mongolio: 21 aymguud
  •  Nederlando: 12 provincies
  •  Pakistano: 4 suba
  •  Filipinoj: 80 lalawigan
  •  Sud-Afriko: 9 provinci
• 2-a nivelo:
  •  Belgio: 10 provincies
  •  Bolivio: 112 provincias
  •  Burkino: 45 provinces
  •  Ĉilio: 54 provinces
  •  Hispanio: 50 provincias
  •  Omano: 61 wilayat
  •  Peruo: 180 provincias

Vidu ankaŭ: Oblasto

Komparu

• Lando (nacia aŭ supra-nacia ento)
• Imperio (supra-nacia ento)
• Ŝtato (nacia aŭ supra-nacia ento)

Vidu ankaŭ

• Eŭroregiono
• Ultraperiferia regiono de la Eŭropa Unio
• NUTS: Nomenklaturo de Unuiĝoj Teritoriaj Statistikaj uzataj de la Eŭropa Unio por statistikaj celoj.