Wılayet

Wılayet (İngılızki: province, Erebki: ولایت) idarekerdışê dewletan de letekerdışê erdano. Wılayeti sero wali esto u o wılayet idare keno. Sûki u dewi wılayet miyan de ca gênê. Wılayet zıwanê Erebki ra vêrdo ra Zazaki u uca de kari sero mendış, xoserogırewtış areze keno. Ewro Tırkiya de heştay u yew wılayeti estê.

Tırkiya de heta serra 1960ıne çekuya vilâyeti vaciyêne, İran de zi heta demê Pehlewi çekuya vilayati vaciyêne. Tırkikerdış u Farskikerdışê naman ra tepeya her dı zi vuriyayi u Tırkiya de il, İran de zi ostan biyê.