Юрый Сямёнавіч Слуцкі
альтэрн.: Юры Сямёнавіч Алелькавіч[1] укр.: Юрій Семенович Олелькович
Герб «Пагоня»
Князь слуцкі і капыльскі 1503 — 1542
Папярэднік	Сямён Міхайлавіч Слуцкі
Пераемнік	Сямён Юр'евіч Слуцкі
Нараджэнне	1492
Смерць	17 красавіка 1542
Род	Алелькавічы
Бацька	Сямён Міхайлавіч Слуцкі[d]
Маці	Анастасія Іванаўна Слуцкая[d]
Жонка	Алена з Радзівілаў[2]
Дзеці	Сямён Юр’евіч Слуцкі[d], Юрый Юр’евіч Слуцкі[d] і Сафія з Алелькавічаў[d]
Веравызнанне	праваслаўе

Юрый (I) Сямёнавіч Слуцкі (1492— 17 красавіка 1542) — удзельны князь слуцкі і капыльскі (1503—1542), пан рады Вялікага Княства Літоўскага, адзіны сын і пераемнік князя Сямёна Міхайлавіча Слуцкага (каля 1460—1503) ад шлюбу з Анастасіяй Іванаўнай Мсціслаўскай. Нашчадак вялікага князя літоўскага Гедзіміна ў VII калене і сваяк дынастыі Ягелонаў.

Біяграфія

У 1503 годзе пасля смерці бацькі Сямёна Міхайлавіча 10-гадовы Юрый стаў князем слуцкім. Фактычнай кіраваннем княствам да паўналецця Юрыя займалася яго маці, княгіня-ўдава Анастасія Іванаўна Слуцкая. Яна паспяхова абараняла княства ад набегаў крымскіх татараў і мяцежнага князя Міхаіла Глінскага.

У 1514 годзе са сваёй харугвай браў удзел у пераможнай бітве пад Оршай, у 1527—разгроме крымскіх чамбулаў на р. Альшаніцы пад Кіевам. Часта выступае разам з вялікім гетманам Канстанцінам Астрожскім, які ў 1523 годзе ажаніўся з яго малодшай сястрой Аляксандрай Сямёнаўнай (пам. пасля 1556).

Памёр у красавіку 1542 года, яго пераемнікам быў старэйшы сын Сямён.

Сям'я

У 1531 годзе ажаніўся з Аленай Мікалаеўнай Радзівіл (пам. 1546), дачкой ваяводы віленскага і канцлера вялікага літоўскага, князя Мікалая Мікалаевіча Радзівіла (каля 1470—1521), і Эльжбеты Саковіч (пам. пасля 1542). Дзеці:

• Сямён Юр'евіч (пам. 1560), князь слуцкі (1542—1560)
• Юрый Юр'евіч (пам. 1578), князь слуцкі (1560—1578).
• Сафія — жонка Юрыя Хадкевіча з 1558 года

Зноскі

Спасылкі

• Радаводны роспіс Алелькавічаў-Слуцкіх
• Князі Слуцкія на сайце «Усе манархі свету» Архівавана 29 верасня 2013.
• ОЛЕЛЬКОВИЧІ-СЛУЦЬКІ