Ҡаҙаҡлар (Туҡай районы)

Ҡаҙаҡлар
	Ауыл
	Ҡаҙаҡлар; татар. Казаклар
Ил	Рәсәй
Федерация субъекты	Татарстан
Муниципаль район	Туҡай
Ауыл биләмәһе	Теләнсетамаҡ
Координаталар	55°27′ с. ш. 52°36′ в. д.
Беренсе мәртәбә телгә алынған	1737 йыл
Халҡы	188 человек (2002)
Милли состав	татарҙар[1]
Сәғәт бүлкәте	UTC+4
Почта индексы	423874
Һанлы танытмалар
Автомобиль коды	-
Код ОКАТО	922 578 740 02
Код ОКТМО	92 657 474 111
	Ҡаҙаҡлар

Ҡаҙаҡлар — Рәсәй Федерацияһы Татарстан Республикаһының Туҡай районындағы ауыл. Теләнсетамаҡ ауыл биләмәһе составына керә.

Географик урыны

Ауыл Игәнә йылғаһы буйында, Яр Саллы ҡалаһынан көньяҡ-көнсығышҡа табан 37 км алыҫлыҡта урынлашҡан[1].

Ҡаҙаҡлар — ҫарайлы-мең ырыуы башҡорттарының ауылы[2]. 1737 йылдан билдәле[1]. 11-се башҡорт кантоны, Ырымбур губернаһы Минзәлә өйәҙенең Ҫарайлы-Мең улусына ҡарай. 1865 йылда Минзәлә өйәҙе Өфө губернаһына инә. 1866 йылда ырыу улустары бөтөрөлгәс, ауыл Нөркәй улусы составына керә.

ХХ быуат башында бакалея кибете, 3 хужалыҡ магазины, тимерлек, мәсет, мәктәп, һыу тирмәне теркәлгән[1][3].

1920 йылда ауыл Татар АССР-ының Минзәлә кантоны, 1921 йылдан — Саллы кантоны, 1930 йылдан — Сарман районы, 1935 йылдан — Ворошилов районы, 1957 йылдан — Яңы Юл районы, 1959 йылдан — Сарман районы, 1984 йылдан — Туҡай районы составына керә[1].

1870 йылда — 90 башҡорт, 84 типтәр, 511 татар; 1912 йылда — 249 башҡорт һәм 833 типтәр (татар сығышлы) йәшәй[2][3].

Йылдар буйынса халыҡ иҫәбе
(Сығанаҡ: *[1]*)
1859	1897	1920	1926	1938	1949	1958	1970	1979	1989	2002
685	757	1019	740	658	468	453	440	311	187	188

Ауылда башланғыс мәктәп, мәҙәниәт йорто, китапхана бар. Игенселек үҫешкән[1].

Татарская энциклопедия.
История башкирских родов. Минг. Том 17. Ч. 1 / С. И. Хамидуллин, Б. А. Азнабаев, И. З. Султанмуратов, И. Р. Саитбатталов, Р. Р. Шайхеев, Р. Р. Асылгужин, А. М. Зайнуллин, В. Г. Волков, А. А. Каримов. — Уфа: ИИЯЛ УНЦ РАН; Государственное унитарное предприятие Республики Башкортостан Башкирское издательство «Китап» имени Зайнаб Биишевой, 2016. — С. 100—101. — 488 с. — ISBN 978-5-85051-605-5.
Асфандияров А. З. Аулы мензелинских башкир. — Уфа: Китап, 2009. — С. 56—58. — 600 с. — ISBN 978-5-295-04952-1.

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.