Zahid Quliyev (dilçi)

Zahid İsfəndiyar oğlu Quliyev (21 dekabr 1936, Qubadlı – 18 fevral 2016, Bakı) — Dilçilik elimləri doktoru, professor.

Zahid İsfəndiyar oğlu Quliyev
Doğum tarixi
Doğum yeri Qubadlı rayonu
Vəfat tarixi (79 yaşında)
Vəfat yeri Bakı, Azərbaycan
Vətəndaşlığı SSRİ SSRİ, Azərbaycan
Elmi dərəcəsi Dilçilik elimləri doktoru
Elmi adı Professor
Vikianbarın loqosu Vikianbarda əlaqəli mediafayllar

Həyatı

Zahid Quliyev 21 dekabr 1936-cı ildə Qubadlı rayonunun Mahmudlu kəndində anadan olub. Natamam orta təhsilini Mahmudlu kəndində, orta təhsilini isə Qubadlı qəsəbəsində alıb. 1959-cu ildə Azərbaycan Dövlət Xarici Dillər İnstitutunun Alman dili fakültəsini bitirib. Əmək fəaliyyətinə Duvanlı qəsbəsindəki orta məktəbdən başlayıb. Əvvəl müəllim, sonra isə dərs hissə müdiri kimi fəaliyyət göstərib.[1]

1962-ci ildə bitirdiyi İnstituta qayıdaraq əmək fəaliyyətini davam etdirib. Baş müəllim, dekan müavini, dekan və 10 il kafedra müdiri olub. 1990-cı ildən Azərbaycan Dillər Universitetinin Roma-German filologiyası fakültəsinin dekanı işləyib.

Zahid Quliyev 1973-cü ildə "Tədrisin ilk mərhələsində şagirdlərə almanca danışığın öyrədilməsi metodikası" mövzusunda namizədlik dissertasiyasını, 1990-cı ildə doktorluq dissertasiyasını müdafiə edib. 1991-ci ildə professor elmi dərəcəsi alıb.

Alimin elmi əsərlərinin sayı 40-dan çoxdur, 4 tədris kitabının müəllifidir.

Zahid Quliyev 10-dan çox dissertantın elmi rəhbəri olub.

18 fevral 2016-cı ildə vəfat edib.[2]

Ailəsi

İki oğlu var.

Azərbaycan Karate-do Federasiyaları Assosiasiyasının prezidenti, millət vəkili Ülvi Quliyevin və DİN-nın Tibb Komissiyasının rəisi Samır Quluyevin atasıdır.

İstinadlar
  1. "Zahid Quliyev — qubadli.sitecity.ru". 2021-10-17 tarixində arxivləşdirilib. İstifadə tarixi: 2012-12-21.
  2. "Ülvi Quliyev atasını itirdi". 2016-03-22 tarixində arxivləşdirilib. İstifadə tarixi: 2016-02-19.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.