Vahid Bağırov

Vahid Bağırov
Vahid Bağırov
	Vahid Həbib oğlu Bağırov
Azərbaycan SSR LKGİ Naxçıvan MSSR Vilayət Komitəsinin birinci katibi
	1966 – 1970
Naxçıvan MSSR mədəniyyət naziri
	19 avqust 1975 – 30 mart 1977
Naxçıvan MSSR Vilayət Partiya Komitəsinin katibi
	30 mart 1977 – 1980
Naxçıvan MSSR Dövlət Televiziya ve Radio Verilişləri Komitəsinin sədri
	1989 – 1991
Şəxsi məlumatlar
Doğum tarixi	23 yanvar 1941
Doğum yeri	Əliabad, Naxçıvan rayonu, Naxçıvan MSSR, Azərbaycan SSR, SSRİ;
Vəfat tarixi	29 may 2010 (69 yaşında)
Vəfat yeri	Bakı, Azərbaycan;
Vətəndaşlığı	SSRİ→; Azərbaycan
Təhsili	ADU Jurnalistika
Fəaliyyəti	jurnalist
Təltifləri	;

Vahid Həbib oğlu Bağırov (23 yanvar 1941, Əliabad, Naxçıvan rayonu – 29 may 2010, Bakı) — Azərbaycan Respublikasının əməkdar jurnalisti[1].

Həyatı

Vahid Bağırov 23 yanvar 1941-ci ildə Naxçıvan Muxtar Respublikasının Əliabad kəndində anadan olmuşdur. 1963-cü ildə Azərbaycan Dövlət Universitetinin jurnalistika fakültəsini fərqlənmə diplomu ilə bitirərək Naxçıvan Televiziyasında əmək fəaliyyətinə başlamışdır.

1964-cü ildən SSRİ Jurnalistlər İttifaqının üzvü olmuşdur.

1966-ci ildə Naxçıvan MSSR Vilayət Komsomol Komitəsinin 1-ci katibi seçilmişdir. 1970-ci ildə "Şərq Qapısı" qəzetinin baş redaktoru vəzifəsində çalışmışdır.

1970-ci ildə Sov.İKP Mərkəzi Komitəsi yanında Ali Partiya Məktəbinə qəbul olub və 1973-cü ildə Ali Partiya Məktəbini fərqlənmə diplomu ilə bitirmişdir.

Naxçıvan MSSR Ali Soveti Rəyasət Heyətinin 19 avqust 1975-ci il fərmanı ilə Naxçıvan Muxtar Respublikasının Mədəniyyət Naziri vəzifəsinə təyin olunmuşdur.

Azərbaycan Kommunist Partiyası Naxçıvan Vilayət Komitəsinin Plenumu 30 mart 1977-ci ildə Vahid Bağırovu Naxçıvan MSSR Vilayət Partiya Komitəsinin katibi vəzifəsinə keçmişdir.

1979-ci il Azərbaycan Kommunist Partiyası Naxçıvan vilayət XXXII partiya konfransında Naxçıvan vilayət partiya komitəsinin üzvü seçilmişdir.

7-ci, 8-ci və 9-cu çağırış Naxçıvan Muxtar Sovet Sosialist Respublikası Ali Sovetinin deputatı seçilmişdir.

1980-ci ildə jurnalist fəaliyyətinə qayıtmış və "Sovet Naxçıvanı" və "Советская Нахичевань" ("Sovetskaya Naxiçevan") qəzetlərinin redaktor müavini vəzifəsində calışmışdır.

1985-ci il Azərbaycan Kommunist Partiyası Naxçıvan vilayət XXXV partiya konfransında Naxçıvan vilayət partiya komitəsinin üzvü seçilmişdir.

Azərbaycan Kommunist Partiyası Naxçıvan Vilayət Komitəsi bürosunun qərarına əsasən 1989-cü ildən Naxçıvan MSSR Dövlət Televiziya və Radio Verilişləri Komitəsinin sədri təyin edilmişdir.

1993-cü ildə "Vətən" cəmiyyəti Naxçıvan şöbəsinin sədri vəzifəsində calişmışdır.

Mükafatları

13.04.1970 — ""Leninin anadan olmasının 100 illiyi münasibətilə" medalı
23.02.1978 — "Qırmızı əmək bayrağı" ordeni
04.05.1991 — "Azərbaycan Respublikasının əməkdar jurnalisti" fəxri adı[1]

İstinadlar

"Azərbaycan Dövlət Teleradio Verilişləri Şirkətinin və Naxçıvan Muxtar Respublikası kütləvi informasiya vasitələrinin işçilərinə Azərbaycan Respublikasının fəxri adlarının verilməsi haqqında" Arxivləşdirilib 2021-09-18 at the Wayback Machine Azərbaycan Respublikasının Prezidentinin 4 may 1991-ci il tarixli, 200 nömrəli Fərmanı. e-qanun.az (az.)

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.

[e-qanun.az-1] "Azərbaycan Dövlət Teleradio Verilişləri Şirkətinin və Naxçıvan Muxtar Respublikası kütləvi informasiya vasitələrinin işçilərinə Azərbaycan Respublikasının fəxri adlarının verilməsi haqqında" Arxivləşdirilib 2021-09-18 at the Wayback Machine Azərbaycan Respublikasının Prezidentinin 4 may 1991-ci il tarixli, 200 nömrəli Fərmanı. e-qanun.az (az.)