Ishpuini

Liwot va Urartu gazaxo bak sare ke Ishpuini I

Ishpuini tiyir gazik ke Urartu mali -828 AGJ kali -810. Tiyir nazbeikye is direik ke Sarduri I.

Ishpuini va Musasir widava ke Mana patecta aze askir da ina vanpir alkafa idja ke gazaxo. Nelkafa dopewa ke Haldi lorik tigiyir. Urartu gan ervolia ke Sahmashi-Adad V gazik ke Assur zo dilfur voxen Ishpuini lajumalplatir aze kevcener.

Arayafa ruptesuca ke Urartu tove Assur bak inaf gazugal illaumar isen ini va rigeem ke gazaxo korundar. Jowa kal Aras kuksa is katicexo ke Eufratos bost is geroneon Urmia uzda zo arbured.

Ishpuini va intafi roti dirnupuyur eke va yolt sugdalas va kotabafa aliuca ik gazik ke Nairi patecta ik aliaf nafalik ik gazik ke tame toz faveyer.

Teni gazugal, Menua nazbeikye dogazayar aze radimifir.

Vuestexa

    • (fr) Dédéyan Gérard, Histoire du peuple arménien, Privat, Toulouse, 2007, ISBN 978-2-7089-6874-5
    • (en) Piotrovsky, Boris (1969), The Ancient Civilization of Urartu, London, Cowles Book Co., ISBN 0-402-10171-5

    Ishpuini
    Gazik ke Urartu
    Nafaluca
    ProstelaySarduri
    SemekGazik ke Urartu
    SokaUrartu
    Nafalugal-828 – -810 AGJ
    Dar- nafalikSarduri I
    Dir- nafalikMenua
    Blirizva
    Koblira ?
    Awalkera≈ -810
    GadikyeSarduri I
    GadikyaAraransa
    YerumanikNaira
    NazbeikMenua
    betara teza
      Tuveli icde Izvopa 
    Urartu : savsugalafo gazaxo ke Pokefa Lenteka  
    Gazik

    Arame • Lutipri • Sarduri I • Ishpuini • Menua • Argishti I • Sarduri II • Rusa I • Argishti II • Rusa II • Sarduri III • Sarduri IV • Erimena • Rusa III • Rusa IV

    Debak

    Altıntepe • Argishtikhinili • Arzashkun • Ayanis • Bastam • Erebuni • Rusahinili • Sardurihinili • Teishebani • Tushpa

    Lorik

    Arubani • Haldi • Huba • Shivini • Teisheba • Tushpuea

    Araya

    Urartuava • Alka • Yamba

    This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.