| Turinxos | |
|---|---|
| tribu | |
| Mapa d'allugamientu | |
 | |
 |
Fíbula atopada en Mühlhausen, sieglu IV-V
Los turinxos foron un pueblu xermanu orixinariu del macizu de Harz de la Germania Magna, un área que na actualidá conforma l'estáu federáu alemán de Turinxa. Foron un amiestu d'hermunduros (una caña de los hermiones) con otros pueblos xermánicos, como los varnos y anglos. Foron nomaos per primer vegada pol historiador romanu Vegeciu Renatu nel añu 380 d. C.
Invadieron la Galia xunto colos hunos y cuando estos foron derrotaos, crearon un reinu propiu aliáu del rei ostrogodu Teodoricu'l Grande.
Cayeron derrotaos por Clotariu I nel añu 531 ya incorporaos al reinu de los francos.
Llista de reis turinxos
- Basinu / Bisinu (460-506/510). La so esposa Basina casóse con Childericu I, rei de los francos salios.
División del reinu (lluches ente los fíos socesores)
- Hermanfredu (Irmanfred) (506/510-531).
- Badericu (Badric) (506/510-530).
- Berthar (506/510-529).
- En 531, Teodoricu I (Thierry I), rei d'Austrasia (Metz y Reims) anexónase gran parte de Turinxa.
Referencies
Enllaces esternos
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.