Sieglu VII

Sieglos	Sieglu vi • Sieglu vii • Sieglu viii
Décades	600 • 610 • 620 • 630 • 640 • 650 • 660 • 670 • 680 • 690
	Tabla añal del sieglu VII

El sieglu VII d. C. (sieglu séptimu dempués de Cristu) o sieglu VII EC (sieglu séptimu de la era común) empezó'l 1 de xineru del añu 601 y terminó'l 31 d'avientu del 700. Ye llamáu'l sieglu del islamismu.

Descripción

Mientres esti sieglu, el profeta Mahoma fundó l'Islam na actual Arabia, a partir d'entós, diose entamu a la denomada espansión musulmana, a lo llargo de tol sieglu, los musulmanes conquistaríen territorios pertenecientes al Imperiu sasánida, que sumía nel 651 asimiláu pol nuevu imperiu musulmán. Pela so parte, l'Imperiu bizantín sufriría un ensame de problemes por cuenta de la espansión de los árabes, pero non too foron males noticies pal Imperiu Romanu d'Oriente, la so capital Constantinopla, convirtióse na mayor ciudá del mundu y una de les más influyentes. N'Europa occidental, empecipióse la denomada Dómina escura, que va siguir hasta'l reináu de Carlomagno. Nel Reinu visigodu de Toledo, el sieglu denominóse'l Sieglu de los Concilios, por cuenta de qu'ellí celebróse'l Conciliu de Toledo.

Acontecimientos relevantes

Guerres y política

603: Cabera mención del Senáu romanu.
615: L'Imperiu Sasánida, dirixíu pol rei Cosroes II escala Xerusalén y llévense la Vera Cruz.
618: La dinastía Tang faise col poder en China.
626: Los ávaros y l'Imperiu Sasánida xúnense nun intentu de tomar Constantinopla, pero fracasen estrepitosamente.
627: L'emperador Heracliu derrota a los perses-sasánides poniendo fin a les Guerres Romanu-Sasánides.
632: Empieza la denomada espansión musulmana.
634: Empiecen les Guerres arabo-bizantines, munchos territorios bizantinos van ser conquistaos polos árabes.
636: Na Batalla de al-Qadisiyya, los árabes vencen de manera decisiva a los Sasánides.
638: Los árabes conquisten Palestina.
639: Los árabes conquisten Exiptu y Armenia.
651: Sume'l Imperiu Sasánida tres l'asesinatu de Yazdgerd III y tomar de Ctesifonte polos árabes.
664: Los musulmanes conquisten Kabul.
674-678: Los árabes empecipien l'asediu de Constantinopla, los bizantinos trunfen gracies en gran midida al fueu griego.
680: El califatu Omeya asesina a los familiares de Mahoma na Batalla de Kerbala.
688: L'emperador bizantín Xustinianu II derrota a los búlgaros.
698: Los árabes prinden Cartago, ciudá en manes de los bizantinos.

Desastres

Teotihuacán ye saquiada, esbarrumben los sos edificios relixosos y políticos.
642: La Biblioteca d'Alexandría ye amburada polos árabes por orde del califa.
694: El rei visigodu Exica acusa a los xudíos de collaborar colos musulmanes y condérgalos a la esclavitú.

Relixón

622: Mahoma funda la relixón del Islam cola so predicación pel mundu árabe.
691: El budismu conviértese na relixón oficial de China.

Cultura y ciencia

Guangzhou (China), conviértese nel puertu más internacional del mundu.
610: Heracliu, emperador bizantín, instaura'l griegu pol llatín como idioma oficial del Imperiu Bizantín.

Persones relevantes

El profeta del Islam, Mahoma

Abu Bakr as-Siddiq (573 - 634): Primer califa del islam.
Ali ibn Abi Talib (599/600 - 661): Primu de Mahoma.
Asparukh de Bulgaria (- 700): Fundador del Primer Imperiu Búlgaru.
Berta de Kent (539 - 612): Princesa merovinxa, famosa por introducir el cristianismu n'Inglaterra.
Bonifaciu (680 - 754): Santu y mártir d'orixe inglés.
Brahmagupta (598 - 668): Matemáticu hindú.
Caedmon (- 680): Poeta inglés.
Heracliu (575 - 641): Emperador bizantín, famosu poles sos lluches escontra l'Imperiu Sasánida.
Mahoma (570/571 - 632): Profeta del islam.
Pacal el Grande (603 - 683): Gobernante maya.
Umar ibn al-Jattab (586/590 - 640): Segundu califa del islam.
Wu Zetian (625 - 705): Única emperatriz de la historia de China.
Yazdgerd III (- 651): Últimu rei del Imperiu Sasánida.

Referencies

Enllaces esternos

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.