الثالوث الاقدس

عقيدة الثالوث (باللاتيني: trinitas، بالعبري: השילוש، بالارامي: תְּלִיתִיוּתֶא، بالقبطي: ϯⲧⲣⲓⲁⲥ) بتعتبر من اساسيات المسيحيه. وبتقول إن الله واحد ليه تلات اقانيم. اقنوم الاب واقنوم الإبن اللى ظهر فى شخص يسوع المسيح واقنوم الروح القدس اللى هو روح مرشد بيساعد الناس فى معرفة الصح وكمان كان بيساعد زمان فى التبشير بالمسيحيه عن طريق إنه ساعد التلاميذ والرسل (اول ناس بشروا بالمسيحيه) فى انه اداهم موهبة التكلم بلغات مايعرفوهاش و انهم يعملوا معجزات زي شفاء المرضى. علشان كده المسيحيين دايما بيبتدوا وينهوا صلاتهم بجملة : "بإسم الاب والإبن والروح القدس، الإله الواحد. امين".

المقاله دي جزء من سلسله عن المسيحية

|العقائد

الثالوث الاقدس الله الاب الله الابن • الروح القدس

شخصيات اساسيه

يسوع المسيح • الباراكليت العدرا مريم والدة الاله بولس الرسول • توما الاكوينى اثناسيوس • مارتن لوثر • جون كالفين

الكتاب المقدس

العهد القديم · العهد الجديد الأسفار المقدسة · ابوكريفون · مخطوطات · الترجمات

الطوائف المسيحية

كاتوليكيه الكنيسة الكاتوليكية الرومانية الكنيسة الكاتوليكية الشرقية ارتودوكسيه ارتودوكسيه شرقيه • الارثوذكسيه المشرقيه كنيسة المشرق بروتيستانتيه بروتيستانتيه • لوثريه كنايس تانيه انجليكانيه • كالفينيه • معمدانيه مثيوديه • انجيليه ادفنتيست • مورمون • شهود يهوه

الحضارة

التقويم · التأثير العام · شخصيات بارزة · علماء مسيحيون

اماكن مقدسه

القدس كنيسه القيامه كنيسه المهد • كنيسة البشاره اماكن مقدسه عند الارتودوكسيه الشرقيه جبل اثوس اماكن مقدسه عند الكاتوليك كاتدرائيه القديس بطرس

المسيحيه في العالم

المسيحيه في اوروبا المسيحيه في افريقيا المسيحيه في اسيا المسيحيه في امريكا الشمالية المسيحيه في امريكا الجنوبية المسيحيه في اوقيانوسيا

شوف كمان

البوابة المسيحية قائمة مقالات المسيحية

وكلمة اقنوم هي كلمة سريانية معناها اللى بيتميز عن غيره من غير انفصال، والمسيحيين بيقربوا ده للعقل عن طريق انهم يضربوا مثل الانسان اللى فيه جسد ونفس وروح، الجسد مش هو النفس مش هي الروح لكن مافيش 3 اشخاص لكن هو شخص واحد، فالاقانيم مش مجرد صفات او صور لله (دي اسمها الهرطقة المودالية) لكن كيان مميز غير منفصل عن باقي الاقانيم، وكلمة اقنوم باليوناني بتتقال هيبوستاسيس واللي معناها (تحت القايم) يعني الحاجة اللي بتقوم عليها الطبيعة او الجوهر. فالاقنوم الالهي مش منفصل عن باقي الاقانيم، وفي نفس الوقت مش هو باقي الاقانيم، انما متمايز من غير انفصال ومتحد من غير امتزاج مع باقي الاقانيم. والثالوث فى المسيحية من نفس الجوهر (وده خلافا للهرطقة الاريوسية اللي انكرت وحدة الجوهر بين الاب والابن والهرطقة المقدونية اللي انكرت وحدة الجوهر بين الاب والابن وبين الروح القدس) وهم واحد فى كل حاجة الا فى شخصيتهم الاقنومية اللي بتفرق كل اقنوم عن التاني (فماينفعش نقول ان الاب هو اللي تجسد او ان الابن هو اللي حل على الرسل واداهم موهبة التكلم بلغات مايعرفوهاش). وماينفعش الشخص يكون اسمه مسيحي من غير ما يؤمن بالثالوث لان الثالوث فى نظر المسيحيين هو جزء من طبيعة الله الواحد فماينفعش تؤمن بجزء من الطبيعة دى وتنكر الجزء التانى، وكل المسيحيين باختلاف طوايفهم (كاتوليك وارتدوكس وبروتستانت) بيؤمنوا بالعقيده دى، اما الطوايف اللي بتنكر الثالوث زى شهود يهوه فالطوايف المسيحية الكبيرة مش بتعترف بيهم كمسيحيين، لانهم فى نظرهم بينكروا طبيعة الله اللي اعلنها فى الكتاب المقدس، المسيحيين بيقولوا ان الله اعلن عن نفسه بوضوح فى الكتاب المقدس ان له 3 اقانيم، لكن كلمة ثالوث نفسها صاغها ثاوفيلوس الانطاكي فى القرن التانى وبعدين اتصاغت بشكل واضح جدا فى قانون الايمان اللي حطه 318 اسقف فى مجمع نيقية اللي اتعمل سنة 325 للرد على هرطقة اريوس وبولس السموساطي وغيرهم من اللي قالوا ان الاب والابن مش واحد فى الجوهر.