ڤاليطا

	ڤاليطا
	تصاور من بزاف د لبلايص ف ڤاليطا
تاريخ التأسيس	1566 (جريجوري)
	لبلاصة
لبلاد	مالطا
لإقليم	Port Region (Port)
	لإدارة
لعمدة	ألفريد زاميط (2019)
	السكان
شحال دالسكان	6,444 (2014)
	لجغرافيا
لميساحة	80 ha
لعلو	56 م
	معلومات خرا
توقيت ديال لمدينة	ڭرينيتش + 1 ; ڭرينيتش +2
نمرة التيليفون لمحلية	356
كود د لبوصطة	VLT
السيت الرسمي	localgovernmentdivisioncms.gov.mt…
الرمز لجغرافي	8334638

ڤاليطا (بلمالطية: il-Belt Valletta) هي لعاصيما د مالطا و أكبر مدينة فيها. جات ف الشمال الشرقي د لڭزيرة د مالطا، اللي هي أكبر جزيرة ف لبلاد. ڤاليطا هي أبعد عاصيما ف لجنوب ديال ؤروپا، و أصغر عاصيما ف لبلدان ديال ليتيحاد لؤروپي.[1] لمنطقة لميطروپوليطانية ديال ڤاليطا هيّ نيت لڭزيرة د مالطا كاملة، يعني ماكيلقاش لواحد بزاف د بلايص لخاويين بلا سكنى بين لمدون ف مالطا.

تسمات لمدينة على جون باپتيست دو ڤاليط، لي قدر يدافع على لڭزيرة من لغزو لعتماني. الستيل د لبني ديالها تابع ل الستيل لمعماري لباروكي، ب عناصر ديال لمانييرية، لكلاسيكي الجديد و لعصري. لحرب لعالمية الجاوجة خلات أتارها فيها، بحال التدمير ديال دار لؤپيرا لملكية. دخلات ل الليستة د ليونيسكو ديال لمواقع د الترات لعالمي ف 1980، و فيها 320 معلامة ف مساحة كاتساوي 0.55 كلم²، شي لي كيخليها أكتف (من لكتافة) منطقة أتارية ف لعالم.[2][3][4]

ڤاليطا تختارت لعاصمة د التقافة د ؤروپا ف 2018، و كانت أشمش مدينة ف ؤروپا ف 2016.[5][6] ڤاليطا معروفة ب الزين ديال لقصور لباروكية ديالها، زيادة على كنايسها و جراديها.

تصاور

لباب د لمدينة د ڤاليطا ف 2014
تفاصيل ديال دار لبرلمان (2015)
لمركز د لمحاضرات لمتوسطي، لي كان كيتسمى قبل "صاكرا إنفيرميريا" Sacra Infermeria (2016)
خصة د ترايتون من مور لإصلاح (2018)
"ؤطيل الطاليان" لي تدار ليه ترميم باش يضايف لمتحف لوطني ديال لفنون (لمالطية: MUŻA)
سوق لمدينة (لمالطية: Is-Suq tal-Belt) من مور الترميم (2018)

عيون لكلام

"معلومات عامة". valletta.embassy.qa. تطّالع عليه ب تاريخ 2024-02-20.
"City of Valletta". UNESCO World Heritage List. تطّالع عليه ب تاريخ 18 يوليوز 2015.
"Valletta travel". Lonely Planet (ب نڭليزية). تطّالع عليه ب تاريخ 2023-01-11.
"Valletta (Malta) – The Complete Overview of Malta's Capital City". maltauncovered.com.
"Valletta is crowned the sunniest city in Europe". مأرشيڤي من لأصل ف 5 مارس 2022.
"Sunniest Cities in Europe". currentresults.com. 2016.

تقدر تزيد شوف بزاف د تّصاور و لمعلومات ديال Valletta ف ويكيميديا كومنز.

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.

[1] "معلومات عامة". valletta.embassy.qa. تطّالع عليه ب تاريخ 2024-02-20.

[unesco-2] "City of Valletta". UNESCO World Heritage List. تطّالع عليه ب تاريخ 18 يوليوز 2015.

[3] "Valletta travel". Lonely Planet (ب نڭليزية). تطّالع عليه ب تاريخ 2023-01-11.

[4] "Valletta (Malta) – The Complete Overview of Malta's Capital City". maltauncovered.com.

[5] "Valletta is crowned the sunniest city in Europe". مأرشيڤي من لأصل ف 5 مارس 2022.

[6] "Sunniest Cities in Europe". currentresults.com. 2016.