لمحيط لمهدن

لمحيط لمهدّن ولاً لمحيط لهادي هو أكبر محيط و بحر ف لعالم. لمساحة د لمحيط لمهدّن هي 169.2 مليون كم²، و هو اللي تيخليه ياخد تقريبا 30% من لمساحة ديال لكورة لأرضية، و 46% من لمساحة ديال لبحورا و لمحيطات فلعالم. لمحيط لمهدّن شاد من لمحيط لمجمَّد الشمالي ف الشمال، تال لمحيط لمجمَّد الجنوبي (اللي تيوصل تال لقطب لجنوبي) ف لجنوب، من لغرب تيحدّوه آسيا و أوقيانوسيا، و من الشرق تاتحدّو أميريكا. خط ليستيوا تيقسم لمحيط لمهدّن على جوج: لمحيط لمهدّن الشمالي, ولمحيط لمهدّن الجنوبي. لمعدّل ديال لغرق ف لمحيط لمهدّن هو 3940 ميطرو.[1]

لمحيط لمهدّن

جزيرة جات على لمحيط لمهدّن

أغرق بلاصة ف لأرض جات ف لمحيط لمهدّن، و هي لخندق ديال ماريانا، و لغرق ديالها هو 10.928 ميترو. تا أغرق بلاصة ف النص لجنوبي د لأرض جات ف لمحيط لهادي، و هي لخندق ديال طونݣا (غارق ب 10.823 ميترو).

لأصل ديال السمية

ملّي بداو لأوروپيين كيوصلو للمحيط لمهدّن فاللول د لقرن 16، سمّاوه لبحر ديال لجنوب (Mar del Sur).[2] السمية ديال لبحر لمهدّن عطاها ليه لبحّار لبرتغالي فرناندو ماجلان، ملّي دار على لعالم ف 1521، و جاه هاداك لبحر مهدّن بزاف، هو يسمّيه Mar Pacifico (لبحر لمهدّن).

شوف تا

عيون لكلام
  1. ""الهادي" عملاق محيطات الأرض - الجزيرة (2016)". مأرشيڤي من لأصل ف 2022-09-28. تطّالع عليه ب تاريخ 2021-02-03.
  2. "اليوم العالمى للمحيطات - المحيط الهادئ أكبر مسطح مائى مفتوح فى العالم - اليوم السابع (2020)". مأرشيڤي من لأصل ف 2022-01-18. تطّالع عليه ب تاريخ 2021-02-03.
Wikimedia Commons تقدر تزيد شوف بزاف د تّصاور و لمعلومات ديال Pacific Ocean ف ويكيميديا كومنز.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.