لمحاولة د لإنقلاب د الصخيرات

لمحاولة د لإنقلاب د الصخيرات ولاّ نقيلاب ديال 1971، هو واحد لمحاولة ديال نقيلاب عسكري ما صدقاتش، داروها جينيرالات مغاربة نهار 10 يوليوز 1971، ف لقصر د الصخيرات، اللي كان لماليك لحسن التاني داير فيه لحفلة د لعيد ميلاد 42 ديالو. ف هاد لمحاولة هجم 1400 عسكري على لقصر، و قتلو 123 واحد[1]، منهم السفير د بلجيكا ف لمغريب، و حمد باحنيني اللي كان وزير أول د لمغريب من 1963 ل 1965.

وحدين من اللي شاركو ف لمحاولة د لإنقلاب مقبوطين ف كاميو.

عسكر د لمغريب قدام لباطيمة ديال التلفازة ف 1971.

لقادة د لعسكر اللي خططو لهاد لإنقلاب كانو هوما محمد المدبوح و امحمد عبابو و محمد عبابو. الجوج اللوالا تقتلو ف النهار د لإنقلاب نيت، و التالت تخطف و غبر، و تيتقال باللي مات ف 1976. من غير هادو، تعدمو 10 د الضباط، منهم 4 د لجينيرالات من مورا هاد لمحاولة، و داز لإعدام ديالهم ف التلفازة.[2]

لموتى

ماتو بزاف د الناس معروفين اللي كانو ف لقصر ف لوقت د هاد لمحاولة د لإنقلاب، منهم:[3]

  • حمد باحنيني - سياسي مغريبي
  • فاضل بنيعيش - الطبيب د لماليك
  • محمد الأزرق - وزير السياحة
  • فاضل بناني - السفير د لمغريب ف السنيڭال
  • مارسيل دوبري - السفير د بلجيكا ف لمغريب

عيون لكلام
  1. خطأ لوا ف مودول:Citation/CS1/Utilities على السطر 37: bad argument #1 to 'ipairs' (table expected, got nil).
  2. خطأ لوا ف مودول:Citation/CS1/Utilities على السطر 37: bad argument #1 to 'ipairs' (table expected, got nil).
  3. خطأ لوا ف مودول:Citation/CS1/Utilities على السطر 37: bad argument #1 to 'ipairs' (table expected, got nil).
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.