طايلاند

طايلاند، رسميا لمملكة د طايلاند (بالطايلاندية: ราชอาณาจักรไทย)، و اللي معروفة تا ب "سيام" هي بلاد جات ف لجنوب الشرقي د آسيا. تايحدّوها بورما و لاووص من الشمال، كامبودج و لاووص من الشرق، لخليج د طايلاند و ماليزيا من لجنوب، و لبحر د أندمان من لغرب. لمساحة د طايلاند هي 513.120 كم مربع، مقسومة على 76 محافظة.

طايلاند
ประเทศไทย (th) Сиам (ru) Сиам (ru)
نشيد	النشيد لوطني د طايلاند
لعاصيمة	بانكوك
الساكينة
شحال دالسكان	66,188,503 (2017)
السمية ديال السكان	طايلاندي، طايلاندية، طايلانديين, طايلانديات
اللوغات الرسمية	الطايلاندية
متوسط ديال لعمر	77.41 (2021)
لجغرافيا
لميساحة	513,119.5 كم²
لقمة لعالية	دوي إن تانون (2,565 م)
لبلاصة الطايحة	لخليج د طايلاند (0 م)
لإدارة
نضام الدولة	ملكية دستورية
ملك تايلاند	فاجيرالونغكورن
رئيس وزراء تايلاند	سريتا_تافيسين
لبرلمان	لمجلس لوطني التشريعي د طايلاند
لقتيصاد
الناتج الداخلي لكامل	505,568,057,004 $ (2021)
لبيطالة (شوماج)	0.9 % (2014)
مؤشر التنمية لبشرية	0.8 (2021)
لفلوس	بات
معلومات خرة
توقيت ديال لبلاد	ڭرينيتش + 7 Asia/Bangkok
رمز لبلاد	TH
رمز لانترنيت	.th
رمز التيليفون	+66
نماري د ليرجونس	191، 199 و 1669
جيهة د صوڭان	ليسر
السيت الرسمي	thaigov.go.th

طايلاند عندها وضعية خاصة ف جنوب شرق آسيا، حيت هي لبلاد لوحيدة اللي ماتسعمراتش ف لمنطقة كاملة. خدات السمية ديال طايلاند ف 1949. من لخمسينات، دازت لبلاد من واحد لوقت صعيب كانت فيه بزاف د لإنقلابات لعسكرية و لمدابزات.

تيسكنو ف طايلاند تقريبا 66.5 مليون د الناس، و لعاصمة ديالها هي بانكوك. اللغة الرسمية د لبلاد هي الطايلاندية، و لفلوس اللي كاتخدّم فيها هي لبات. لإقتصاد ديالها تيعوّل بزاف على السياحة، لفلاحة و لخدمات، و عندها تاني أكبر اقتصاد ف جنوب شرق آسيا.[1] هي داخلة ف بزاف د لمنضمات دولية بحال لأمم لمتحدة و منضمة التجارة لعالمية و الرابطة د بلدان جنوب شرق آسيا.