حمد بلافريج

تولد أحمد بلافريج ف رباط ف 1908، تبع قرايتو ف لقاهرة ف مصر ؤ موراها ف صوربون ف باريز. رجع للمغريب باش يدخل معا لحركة لوطنية ضد حوكومة لحماية د فرانصا، بلافريج كان واحد من لمؤسسين ديال حيزب ستيقلال ف 1944. بين 1944 و 1946، دخلاتو فرانصا لحبس ؤ موراها داوه لمنفى حتا رجع ف 1955.[1]

ملي لمغريب خدا ستيقلال ديالو لعام لي من بعد، بلافريج ولا وزير لخارجية وبقا ف لمنصب حتال 1958. ف 12 ماي 1958، تختار باش يرأس حوكومة لأغلبية ديالها من حزب ستيقلال ولاكين ماكملش بزاف حيت ضطر يحط ستيقالة ديالو ف 3 دجنبر ف نفس لعام، مور ما تفاهمش معا رئيس لمجلس لوطني ستيشاري (لغرفة لولا د لبرلامان) ليساري لمهدي بن بركة.[1]

بين 1960 ؤ 1961 تعين بلافريج سفير، موراها ف 1963 ولا وزير لخارجية ؤ لممتيل شخصي د لحسن تاني. بقا فهاد لپوسط لخر حتال 1977، ملي قدم ستيقالتو حتيجاجا حيت دخلو ولدو لحبس بسباب مونتيف ديال تخريبات يسارية.[1]

• حيزب ستيقلال، الحاج أحمد بلافريج: بطل عريضة الإستقلال (1993)
• بوبكر لقاديري، الحاج أحمد بلافريج: الديبلوماسي المحنك ملامح من سيرته ونماذج من انتاجه (1996)
• أحمد عبد السلام فاضل السامرائي، أحمد بلافريج ودوره في السياسة المغربية حتى عام 1972 (2016)

• تقدر تزيد شوف بزاف د تّصاور و لمعلومات ديال حمد بلافريج ف ويكيميديا كومنز.