Laurent Benoît Baudouin Marie (Brussel, 19 oktober 1963), prins van België, is et derde kiend van keunienk Albert II en keuniginne Paola.
Studies
Achter zyn middelboare schole kiest 'n vo de marine. In 1985 wordt 'n officier, 4 joar loater lutenant ter zêe en in 1994 kapiting. Ook in 1994 wordt 'n voorzitter van vzw KINT.
Gezin
Den 12stn april 2003 trouwt 'n me Claire Cooms. Ze krygn 3 kienders:
- Louise (6 februoari 2004)
- Nicolas en Aymeric (13 december 2005)
Schandaaln
Achter de geboorte van de tweelienk Nicolas en Aymeric probeert 'n d' eerste foto's vor e grôte somme geld te verkoopn an e weekblad.
In januoari 2007 moet 'n as êerste Belgische prins getuugn up e proces. Ne gift toe dat 'n me 't geld van de marine zen uus, Villa Clémentine in Tervuren, gerenoveerd et. De villa is eigndom van de "Koninklijke Schenking".
In juli 2007 rakt et bekend dat 'n 2/3 va zyn subsidies kwytspeelt vo zyn vzw KINT omda z' under bezigoudn me gevalln woarvo dat er ander organisaties bestoan.