- Dat artikel es geschreevn in 't Kustwestvlams.
Germania of Germanië, ook wel Magna Germania genoamd, was e growt historisch gebied in Nowrd-Centroal-Europa binst de Romeinschn tyd, die deur Romeinsche schryvers g'associeerd wierd met de Germoansche volkern, de Germoann.
't Gebied strekte grofweg uyt van de Mid'n- en Nederreyn in 't west'n toet de riviere Vistula (Wisła) in 't owst'n, de Boovn- en Mid'n-Donau in 't zuyd’n en de gekende deiln van Scandinavië in 't nowrd'n. Germania wierd gedomineerd deur Germoansche volkern, moa Magna Germania wierd ook beweund deur Kelt'n en vroege Sloavn en hunder vowrlopers.
Binst de Gallische Oorloogn van d' 1e eiwe vo Christus kwam de Romeinsche generoal Julius Caesar volkern teegn die van over de Reyn kwoamn. Je noemde die menschn Germani en hunder land Germania.
Teegnwoordig is Germania in 't Italioans en Germany in 't Yngels nog assan de noame van 't Duytsland van nu.