Urab

Urab nyaéta kadaharan/kulinér tradisional nu dijieun tina rupa-rupa bahan sayuran.[1][2] Kayaning pucuk sampeu, saladah cai, pucuk gedang, kembang gedang, jantung cau, peuteuy sélong nu geus kolot atawa gumading, gedang ngora, jeung sajabana.[2] Tempo ngadaharna ilaharna dibaturan jeung goréng lauk asin , tahu, jeung témpé.[2] Urab dijieun dina rupa-rupa bahan jeung rasa, bisa lada, gurih, semu amis, jeung sajabana kumaha pangaresep baé.[3] Urab mah kadaharan nu méh aya di unggal daérah malahan mah nepi ka Papua ogé aya, atuh nu ngadaharna ti mimiti rakhayat biasa nepika para inohong ogé pada mikaresep.[4][5] Bahan-bahan urabeun, kiwari geus disayagikeun dina kaayaan beku (frozen).[4] Ditiiskeun dina suhu minus 25°C, bahan-bahan urab ieu bisa ditunda sataun lilana kalawan masih kénéh seger mangsa dipaké.[4]

Urab

Bahan-bahan

100 gr kacang panjang, teukteukan sabuku-sabuku
4 lambar daun engkol, siksikan ulah lembut teuing
100 gr togé
100 gr bayem
100 gr pucuk sampeu
1/2 hulu kalapa ngora, di parud

Bungbu nu direndos

3 siki cabé beureum
2 Siki bawang bodas
1 sendok cai asem
1,5 sendok cikur, dicacag
3 lambar daun jeruk purut
1 sendok uyah
2 sendok gula beureum

Cara nyieun

Kulub heula kalawan dipisah-pisah: engkol, bayem, kacang panjang jeung pucuk sampeu nepika leumpeuh, jait tuluy tuhurkeun
Léob togé, ulah lila teuing asal leumpeuh tuluy dijait tur dituhurkeun
Sambel urab : Campurkeun kalapa beunang marud kana bungbu beunang ngaréndos, aduk nepika rata tuluy seupan heula nepika asak
Sayagikeun dina wadah, bahan-bahan beunang ngulub saperluna, tuluy cicikeun sambel nu geus asak,
Urab geus siap pikeun dikonsumsi

Dicutat tina

Tim, Dapur Demedia; Lianti Y (2007). Aneka Masakan Sunda. Jakarta: DeMedia. p. 6. ISBN 9789791471015.
sanaji, miftag. Wisata Kuliner Makanan Daerah Khas Cirebon. PT Gramedia Pustaka Utama. p. 14. ISBN 9789792257267.
"Resep Urap Sayuran Bumbu Kelapa Pedas Gurih". Missing or empty |url= (bantuan); |accessdate= requires |url= (bantuan)
M. ulul Azmy. "Keren, Pria Ini Hasilkan Ratusan Juta Rupiah dari Bisnis Kuliner Urap-Urap". malangtoday. Missing or empty |url= (bantuan)
"Ini 'Bocoran' Pertemuan Emil Dardak dengan KH Anwar Iskandar". 2017-11-25. Missing or empty |url= (bantuan)

Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan.

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.

[Gepuk-1] Tim, Dapur Demedia; Lianti Y (2007). Aneka Masakan Sunda. Jakarta: DeMedia. p. 6. ISBN 9789791471015.

[urab-2] sanaji, miftag. Wisata Kuliner Makanan Daerah Khas Cirebon. PT Gramedia Pustaka Utama. p. 14. ISBN 9789792257267.

[vamel-3] "Resep Urap Sayuran Bumbu Kelapa Pedas Gurih". Missing or empty |url= (bantuan); |accessdate= requires |url= (bantuan)

[frozen-4] M. ulul Azmy. "Keren, Pria Ini Hasilkan Ratusan Juta Rupiah dari Bisnis Kuliner Urap-Urap". malangtoday. Missing or empty |url= (bantuan)

[tribun-5] "Ini 'Bocoran' Pertemuan Emil Dardak dengan KH Anwar Iskandar". 2017-11-25. Missing or empty |url= (bantuan)