Salmon

Salmon jenis ieu ngabogaan tékstur anu empuk sarta ngandung minyak anu loba, beuratna 10-15 pound.[5] Salmon jenis ieu mangrupa salmon panggedéna di Pasifik.[5] Salmon jenis ieu disebut ogé King Salmon atawa Oncorhynchus Tshawytscha, warnana aya nu bodas atawa beureum kolot.[6]

Pink Salmon FWS

Salmon Sockeye nyaéa salmon anu dagingna warna beureum sarta ngandung minyak, beuratna bisa nepi ka 5-8 pound malah bisa nepi ka 15 pound.[5]

Bédana salmon Coho jeung salmon sockeye nyaéta salmon sockeye mah leuwih hampang tibatan salmon coho, coho mah bisa nepi ka 6-12 pound malah bisa nepi ka 31 pound.[5] Salmon coho biasana aya di sisi walungan atawa di cai anu tiis.[5]

Salmon Gigi Anjing teu jiga salmon séjénna, salmon jenis ieu teu boga warna anu has jeung minyakna saeutik pisan.[5] Salmon Gigi Anjing beuratna bisa nepi ka 10-15 pound malah bisa jadi nepi ka 33 pound.[5] Konjoyan salmon ieu nyaéta hampir sarua jeung anjing.[5]

Salmon Atlantik biasa disebut salmon salar nyaéta salmon hiji-hijina anu hirup di Atlantik.[6] Beurat salmon Atlantik rata-rata 2–10 kg.[6] Salmon ieu asalna ti Atlantik Utara tepatna ti New England nepi ka Skandinavia, beuratna kira-kira 10 kg, hanjakal jumlahna kiwari geus kari saeutik.[7]

Salmon anjing atawa Oncorhynchus Keta nyaéta salmon anu boga warna bungur, ngaharib-harib ka geuneuk.[6] Ieu hal mangrupa ciri has tina salmon nu sok disebut ogé Salmon Chum jeung Keta Salmon.[6] Daging salmon anjing warnana pias, kandungan lemakna saeutik, sarta biasana dijual ka luar negri dina bentuk kaléngan atawa dibekukeun.[6]

Salmon Pérak atawa sering disebut ogé Silver Salmon, Coho Salmon, jeung Oncorhynchus Kisutch nyaéta jenis lauk anu kawentar di Puget Sound (Teluk Besar Samudra Pasifik), cicingna di anak walungan basisir jeung walungan-walungan leutik.[6] Daging salmon pérak warnana beureum caang, warna kulitna pérak, beuratna kurang ti 5 kg sarta tékstur dagingna leuwih empuk batan salmon-salmon séjénna.[6]

Salmon Pelangi atawa Steelhéad mangrupa jenis lauk salmon anu asalna ti Samudra Pasipik Asia jeung Amerika Utara.[6] Sanggeus dua taun hirup di laut, Salmon Pelangi pindah ka cai biasa pikeun ngendog.[6]

Salmon Pesisir atawa Onchorhynchus Clarki nyaéta jenis salmon asal anak walungan samudra Pasifik, Pagunungan Rocky sarta Gréat Basin di Amerika Utara, ciri has tina salmon ieu nyaéa warna beureum has di handapeun rahangna.[6]

Salmon Pink atawa salmon kayas nyaéta jenis salmon anu loba kapanggih di lautan Pasifik , boga ciri has daging nu warna kayas atawa beureum ngora kitu ogé dina pundukna.[6] Sesebutan séjén pikeun Pink Samon nyaéta Bungkuk Salmon, Humpies, jeung Humpback.[6]

Red salmon kawentar ku ciri hasna anu ngabogaan daging warna beureum atawa oranyeu, kitu ogé kulitna.[7] Salmon jenis ieu loba ngandung omega 3 jeung lemak teu jenuh.[7] Jumlah salmon ieu kaitung masih loba beuratna kira-kira 2,5 kg.[7]

1. Pikeun ngahasilkeun kualitas anu maksimal budidaya salmon, anu mimiti kudu diperhatikeun téh nyaéta bibit indung anu kualitana hadé, indung salmon anu super bisa ngahasilkeun 10.000 endog.[10]

2. Endog anu geus meunang prosés pembuahan diinkubasi dina wadah husus.[10]

3. Cai anu digunakeun dina wadah nyaéta cai biasa, sarta kaayaan suhu kudu tetep diperhatikeun jeung dikadalikeun ngarah sarua jeung kaayaan di tempat asalna.[10]

4. Saupama bibit salmon geus mimiti malegar, pindahkeun deui kana wadah husus pikeun prosés ngagedékeun. Prosés ieu kudu digedékeun dina hatchery nepi ka umur 18 bulan.[10]

5. Dina umur 18 bulan salmon mimiti ngalaman parobahan prosés kadéwasaan sarta geus bisa nyaluyukeun dina tempat asalna nyaéta dina cai asin. Prosés ieu disebut smoltify atawa prosés pisiologis.[10]

6. Ahir tina mangsa parobahan pisiologis ieu, ukuran salmon geus 10–12 cm sarta beurat 100 gram. Dina mangsa ieu salmon geus kudu dipindahkeun kana jaring di lauan.[10]

7. Satuluyna diurus dina jaring salila 18 bulan, umur sakieu beuratna bisa nepi ka 4,5 kg sarta robah jadi salmon smolt dewasa sarta lauk ieu geus meujeuhna dipanén.[10]

1. Ngajaga kaséhatan jantung
2. Ngurangan résiko struk
3. Ngurangan diabétes
4. Penting keur kaséhatan mata jeung otak orok dina kandungan
5. Menerkeun pola lipid getih
6. Ngaronjatkeun pungsi pembuluh darah
7. Menerkeun gangguan kekebalan jeung inflasi rheumatoid arthritis jeung chorone[11]

1. Sumber énérgi
2. Ngatur métabolisme awak
3. Mantuan prosés pertumbuhan otot
4. Mantuan prosés pembentukan hormon
5. Pembentukan zat antibodi[11]

1. Ngawangun hémoglobin atawa sél darah merah
2. Ngawangun sel darah putih
3. Ngaronjatkeun énérgi
4. Protéksi tina radiasi
5. Ngahambat kangker jeung tumor
6. Ngaronjatkeun pungsi otak
7. Antibodi[11]

1. Ngajaga kaséhatan mata
2. Nyageurkeun tatu
3. Nyegah kangker
4. Sumber antioksidan
5. Sisitem imun[11]

1. Ngajaga kaséhatan tulang
2. Nyegah ostéoporosis
3. Nyegah kangker kolon jeung proostat
4. Ngajaga kaséhatan kulit[11]

1. Ngaronjatkeun énérgi
2. Ngaronjatkeun kaséhatan jantung
3. Sistem imun
4. Sistem sarap
5. Kaséhatan otot[11]

1. Ngungkulan kulit karinyut, gurat kulit, kutikula
2. Ngungkulan éfék négatip obat-obatan
3. Nyegah kangker
4. Nyegah panyakit sarap
5. Obat diabétés[11]

Bau salmon anu masih kénéh seger nyaéta teu pati hanyir, saupama salmon kaambeuna bau anu teu ngeunah atawa hanyir kaleuleuwihi, hartina éta salmon kualitasna geus teu alus deui.[2]

Hal nu kudu diperhatikeun nalika meuli salmon, utamana salmon anu geus di fillet nyaéta salmon anu seger mah teu ngandung cai, lamun katingalina caian hartina geus kakotoran ku lingkunganna.[2]

Salmon seger warna kulitna hérang jeung semu baseuh, sedengkeun asangna warna beureum.[2]

Salmon anu masih kénéh seger téksturna empuk tapi teu gampang ancur, sabalikna lamun kualitasna goréng, téksturna karasa teus.[2]

Warna daging salmon henteu bodas siga umumna lauk, salmon ngabogaan warna semu oranyeu jeung garis-garis bodas.[2] Warna salmon anu masih kénéh seger cerah jeung rata, sabalikna lamun geus teu seger warnana pias jeung kulitna warna hideung.[2]