Manjah

Manjah nyaéta jukut jangkung katempo saliwat mah kawas tangkal kaso[4][5] (Themeda gigantéa) , tina kulawarga padi-padian. Hirupna nyebar loba pisan di wewengkon Indocina, Nusantara, nepikeun ka Pasifik. Manjah ogé mibanda ngaran anu béda umpamana waé: urang minangkabau nyebut majah téh pimpiĕng; di tatar Sunda katelah manjah, manjarakan, aya ogé anu nyebut manyah (basa Sunda); dina basa Jawa disebut glagah arjuna, sisrén; urang madura nyebutna cĕcĕrĕn; antalasa, beurong-beurong (Mak.); wéli hisa, wéri hisa (Amb.).[6] Dina basa Inggris ieu jukut disebut ulla aya ogé anu nyebut kangaroo grass.[7]

Manjah
Jukut manjah, Themeda gigantea
Klasifikasi ilmiah
Karajaan:
Plantae
Divisi:
Tracheophyta
Kelas:
Liliopsida
Ordo:
Poales
Kulawarga:
Poaceae
Génus:
Themeda
Spésiés:
Themeda gigantea
Ngaran binomial
Themeda gigantea
(Cav.) Hack. ex Duthie[1]
Sinonim
  • Anthistiria gigantea Cav.[2] (basionym)
  • Anthistiria mutica Hassk.
  • Anthistiria ramosa Thunb. ex Andersson (nom. inval.)
  • Anthistiria vulpina Andersson
  • Androscepia gigantea (Cav.) Brongn.
  • Calamina gigantea (Cav.) Roem. & Schult. (nom. illeg.)
  • Perobachne secunda J.Presl

Sumber: The Plant List[3]

Ciri mandiri
Jukut manjah sisi jalan
Mimiti kembangan

Tangkal manjah hirupna nahun. Ngumpul mangrupa dapuran atawa ngarungkun, tangkalna kuat tur jocong ka luhur, jangkungna 1,50–4 Méter;[8] Tangkalna déwasa ukurana sagedé jempol suku wanguna bubukuan kawas tangkal awi.[9] tangkal manjah anu masih kénéh ngora unggal buku mibanda bulu-bulu anu lemes tapi di mana geus kolot mah sakapeung bulistir leungit buluna, daunna heuras kawas tiwu tur baruluan; tungtungna mencos tur seukeut; l.[8] Daun ngaronyok di handap kawas kipas [9] Unggal lambar daun mibanda, panjang 0.30–1 Méter; beulah sisi daunna sareukeut.[8]

Kembang ngumpul ngaranggeuy dina gagang anu bijil dina tungtung tangkal anu geus manjing déwasa .[8] cupat kembang Spikelet (kembang jukut), ngumpul dina sagagang aya kana tilu [8][9]

Tempat Hirup

Manjah loba pisan kapanggih di Asia tropis nepikeun ka Pasifik[8]: Burma, Indocina, wewengkon Malesia, Filipina, Nugini, Solomon, Bismarck, Vanuatu, Kaledonia Baru, jeung pulo-pulo di Pasifik kulon.[10]

Di Indonesia, ieu jukut nyebar anu kacida loba pohara lobana ti mimiti Sumatra, Kalimantan, Jawa, Ambon, Seram, nepika Timor. ti mimiti lengkob nepi ka pasir anu luhur 1.450 m dpl; sisi susukan,lamping jeung jungkrang, sisi jalan, tegalan jeung tempat negrak séjéna malah dapuran tangkalna nepikeun ka ngababadeg.[6]

Mangpaat

Heyne Sanajan ieu jukut kurang dipikaresep ku ingon-ingon; Tangkal manjah bisa ogé dipaké ubar panas tiris, nyieun kandang manuk, bahan pikeun karajinan jeung sajabana.[6] Lamun seug diolah leuwih jauh jeung ukuran gedé bisa waé ieu jukut jadi bahan pikeun nyieun kertas.[11]

Tempo Ogé
  1. Kakasangan
  2. Bayongbong
  3. Jagong
  4. kaso

Variétas
  • Themeda gigantea var. vulpina
  • Themeda gigantea var. amboinensis

Dicutat tina
  1. Duthie, JF. 1888. The fodder grasses of Northern India. p.89. Roorkee, India :Thomason Civil Engineering College Press, 1888.
  2. Cavanilles, AJ. 1799. Icones et descriptiones plantarum. vol. V: 36, tab. 458. Matriti : Ex Regia Typographia (Eius operas dirigente Petro Iuliano Pereyra) 1799
  3. The Plant List: Themeda gigantea (Cav.) Hack. ex Duthie
  4. KBBI: pimping
  5. Stevens, AM. & AE. Schmidgall-Tellings. 2004. A comprehensive Indonesian-English dictionary. p.830. Athens :Ohio Univ. Press
  6. Heyne, K. 1987. Tumbuhan Berguna Indonesia I: 201-2. Badan Litbang Kehutanan, Departemen Kehutanan. Jakarta. (versi berbahasa Belanda -1922- I: 146-7)
  7. Rumpf, G.E. 1750. Herbarium Amboinense: plurimas conplectens arbores, frutices, ... Pars VI: 16, Tab. 6, fig. 2. Amstelaedami :apud Franciscum Changuion, Hermannum Uttwerf. MDCCL.
  8. RBG Kew - GrassBase: Themeda gigantea
  9. Sudarnadi, H. 1996. Tumbuhan monokotil: 58. Jakarta: Penebar Swadaya.
  10. e-Monocot: Themeda gigantea Hack.
  11. Plants for Use: Themeda gigantea Hack.

Tutumbu kaluar
Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan.


This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.