Lulumpang

Lulumpang nyaéta ngaran parabot dapur paranti nutu atawa ngabebek bungbu, kopi[1], cabé, nipung, nyieun adonan, jeung sajabana [2]. Lulumpang bisa dipaké atawa digunakeun di mana aya halu pikeun nutuna ku lantaran halu jeung lulumpang mangrupa sapasang pakakas[3]. Bisa ogé dipaké nutu Paré meunang méré sihan tina gagangna (ngaguguran) tuluy dipoé nepika garing bisa ditutu maké lulumpang pikeun mesék kulitna sok disebut huut sangkan jadi béas.[4]

Lulumpang jeung halu tina kai

Pedaran

Bahan lulumpang

Lulumpang dijieun tina rupa-rupa bahan, gumantung kana kabutuhan jeung bahan anu baris dibebek. Aya sababaraha bahan lulumpang saperti:

  1. Lulumpang kai[5]
  2. Lulumpang batu [6]
  3. Lulumpang logam (beusi, kuningan, jeung sajabana)[7]
  4. Lulumpang keramik [7]

Sajarah

Dumasar hasil panalungtikan lulumpang geus digunakeun ku masarakat Indonésia ti mangsa megalitik kénéh, salah sahiji bukti pamanggih arkeolog anu dimimitian taun 1975. Di Sulawesi Tengah manggihan puluhan lulumpang tina batu, ieu situs kapanggih dina tegalan jukut dipapantes baheulana éta tegal mangrupa tempat nganjrek sakumpulan jalma anu hirup ku jalan tatanen ieu dikuatkeun kukaayaan éta tempat kacida méré nah jeung alus dipaké tatanen.[6] Situs megalitik anu aya di Cianjur pernahna di Gunung Padang, lulumpang batu kapanggih pacampur jeung balok-balok batu ukuran buleudna 22 cm jerona 10 cm ieu sarimbag jeung batu gandik anu kapanggih di situs-situs di Jawa, dumasar kana tempat pamanggihna lulumpang mibanda patula patalina jeung upacara-upacara anu dilaksanakeun.[6]

  • Lulumpang dipaké ngabebek bungbu di dapur
    Lulumpang dipaké ngabebek bungbu di dapur
  • Lulumpang dipaké adonan
    Lulumpang dipaké adonan
  • Lulumpang kai
    Lulumpang kai
  • Lulumpang tina parunggu
    Lulumpang tina parunggu
  • Lulumpang dipaké ngabebek rujak
    Lulumpang dipaké ngabebek rujak
  • Dipaké ngabebek bungbu
    Dipaké ngabebek bungbu

Dicutat tina
  1. Lulumpang paranti ngabebek bungbu
  2. Ena Sutarna, Sugiyarto Dakung, Departemen Pendidikan dan Kebudayaan, Proyek Inventarisasi dan Dokumentasi Kebudayaan Daerah, 1986, Kaca 148
  3. Lulumpang jeung haluna mangrupa hiji papasangan
  4. Upacara adat di Pasundan, A. Prawirasuganda, Sumur Bandung, 1982, Kaca 164
  5. Lulumpang kai
  6. Peninggalan Tradisi Megalitik di Daerah Cianjur, Jawa Barat, Haris Sukendar, Direktorat Jenderal Kebudayaan, 1 Jan 1985, ditempo 10 Juni 2016
  7. Sambal: sambal colek & saus cocol, Gramedia Pustaka Utama, 2004

Tutumbu kaluar
  1. Situs batu lulumpang
  2. Carita pondok ngeunaan lulumpang
  3. Dongeng ngeunaan lulumpang
  4. Arkeolog lulumpang Lulumpang patilasan
Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan.


This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.