Jarum

Jarum nyaéta parabot lembut (leutik pisan) tina beusi pikeun kupat-kaput.[1] Wangunna panjang-leutik, tungtungna méncos.[2] Panjangna kurang leuwih opat sénti (4 cm).[2]

Jarum kécos

Rupa-rupa Jarum

Jarum téh aya rupa-rupa, di antarana nyaéta:

  • jarum kaput
  • jarum mesin jait jeung jarum obras
  • jarum pentul
  • jarum suntik
  • jarum akupuntur

Jarum Kaput

Jarum kaput miboga liang dina tungtung anu mintulna.[2]

Jarum Mesin Jait

Najan sarua fungsina keur ngaput, jarum mesin jait mah liang keur ngasupkeun benangna aya deukeut méméncosna.[2] Sedengkeun bagian tuntung mintulna leuwih gedé ti batan bagian méméncosna.[2] Bagian anu mintul bakal dipasangkeun kana bagian mesin jait anu disebut sapatu.[2]

Jarum Pentul

Jarum pentul ukuranna méh ampir sarua jeung jarum kaput.[2]Bédana jarum pentul jeung jarum kaput nyaéta jarum pentul mah euweuh liangan.[2] Wangun jarum pentul nyaéta salah sahiji tungtungna méncos siga ilaharna jarum, sedengkeun bagian tungtung séjénna dipasangan bebendul, umumna tina bahan plastik.[2]

Jarum Suntik

Jarum suntik dipaké dina kapereluan médis.[2] Fungsi jarum suntik téh di antarana pikeun ngasupkeun zat kana awak atau keur nyedot cairan tina awak.[2]

Jarum Akupuntur

Akupuntur mangrupikeun terapi di mana jarum ipis dilebetkeun kana kulit dina titik-titik khusus dina awak anu dianggo pikeun ngubaran nyeri sareng ningkatkeun kasihatan umum. Akupuntur mangrupikeun téknik pangobatan Wétan anu parantos dikenal ku dunya médis.

Galeri
  • Panitih
    Panitih
  • Jarum pentul
    Jarum pentul
  • Jarum akupuntur
    Jarum akupuntur
  • jarum suntik
    jarum suntik
  • Jarum mesin kaput
    Jarum mesin kaput

Referensi
  1. (id)Kamus basa Sunda R.A. Danadibrata
  2. Terampil Berkreasi. PT Grafindo Media Pratama. 2006. ISBN 9789797583460.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.