Heulang Jawa
Heulang Jawa, Spizaetus bartelsi téh heulang ukuran sedeng, panjangna kira 61 cm, bulu coklat kolot, manuk pamangsa (raptor) anggota kulawarga Accipitridae. Ciri utama ieu heulang nyaéta kukuncung nu panjang dina huluna, bulu dina hulu jeung beuheungna gomplok, tapi hideung lebah awak handapna. Kukuncungna hideung, tapi lebah tungtungna mah bodas. Ieu manuk téh éndemik Indonésia, sumebar di leuweung-leuweung tropis pulo Jawa. Kadaharanana mangrupa manuk, kadal, lalay, jeung mamalia laleutik.
| Heulang Jawa | |
|---|---|
_(464508083).jpg.webp) | |
| Status konservasi | |
Endangered | |
| Klasifikasi ilmiah | |
| Karajaan: | |
| Filum: | |
| Kelas: | |
| Ordo: | Falconiformes |
| Kulawarga: | Accipitridae |
| Génus: | Spizaetus |
| Spésiés: | S. bartelsi |
| Ngaran binomial | |
| Spizaetus bartelsi Stresemann, 1924 | |
Alatan beuki heureut habitatna sarta ukuran populasina nu saeutik, Heulang Jawa asup kana kategori kaancam punah dina Daptar Beureum IUCN (Lampiran II CITES).
Sebaran
Daérah-daérah nu kungsi ngalaporkeun ayana heulang jawa, di antarana
- Jawa Kulon: Taman Nasional Ujung Kulon, Gunung Aseupan, Gunung Karang, Taman Nasional Gunung Halimun, Jampang, Gobang, Gunung Masigit, Gunung Salak, Bogor, Gunung Pancar, Taman Nasional Gunung Gedé-Pangrango, Talaga Warna (Puncak), Situ Patenggang, Gunung Patuha, Gunung Tilu, Gunung Burangrang, Gunung Malati, Gunung Tangkuban Parahu, Gunung Malabar, Gunung Puntang, Bukit Tunggul, Gunung Papandayan, Kawah Kamojang, Gunung Guntur, Gunung Kancing, Gunung Cikuray, Cagar Alam Leuweung Sancang, Gunung Simpang, Gunung Kuning, Gunung Tampomas, Gunung Talaga Bodas, Gunung Galunggung, Gunung Jagat, Gunung Sawal;
- Jawa Tengah: Gunung Segara, Curug Cipendog, Gunung Slamet, Gunung Diéng, Gunung Lumping, Gunung Kemulan, Gunung Ungaran, Gunung Merapi, Gunung Muria, Gunung Lawu;
- Jawa Wétan: Gunung Liman-Wilis, Gunung Kawi, Balékambang, Gunung Arjuno, Taman Leuweung Raya R. Soerjo, Lebakharjo, Taman Nasional Gunung Bromo Tengger Seméru, Dataran Luhur Hyang, Taman Nasional Meru Betiri, Kalibaru, Gunung Raung, Gunung Ijen, Taman Nasional Alas Purwo.
Rujukan
- BirdLife International (2004). Spizaetus bartelsi. 2006 IUCN Red List of Threatened Species. IUCN 2006. Dipulut ping 3 December 2006. Database entry includes justification for why this species is endangered
Tumbu kaluar
- BirdLife Species Factsheet
- IUCN Red List
- Red Data Book Archived 2006-10-13 di Wayback Machine
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.