Hemiptera

Hemiptera nyaéta salah sahijo ordo sasatoan tina Kelas gegeremet (Insecta).[1] Cicadas, simeut jeung kutu daun mangrupa anggota tina ordo ieu.[2] Kelompok ieu mangrupa ordo gegeremet nu gedé pisan, diwangun ku antara 75.000 spésiés di sakabéh benua.[3] kira-kira 1.700 di antarana bisa kapanggih di kapuloan Inggris.[3] Loba di antara sato ieu pada béda nu hiji jeung séjéna, ngan sakabéh sato ieu miboga sungut panojos nu bisa nyedot cai tina tutuwuhan atawa sasatoan, biasana tutuwuhan.[3] Sungut soto ieu nu miboga wangun pamatuk biasana aya dina handapeun awak nalika teu dipaké.[3] Gegeremet tina golongan ieu rupa-rupa pisan boh tina ukuran, wangun jeung warna.[4] Aya kira-kira 6000 spésiés kaidentifikasi di Australia, ti mimiti ukuran 1-110 miliméter panjangna.[4] Salaku parasit tutuwuhan, sababaraha bug - saperti kutu daun mangrupa hama pertanian nu serius, lain hungkul sabab ieu sato ngaruksak tutuwuhan ngan bisa nularkeun virus panyakit ogé.[3] Ngan, sabagian tina ieu sato lain hama.[3]

Bugs
Klasifikasi ilmiah
Karajaan:
Animalia
Divisi:
Arthropoda
Kelas:
Hexapoda
Ordo:
Hemiptera

Hemiptera sok miboga antena panjang nu kabagi kana sajumlah sajumlah leutik ségmén, jeung jangjang hareupna rada teuas.[3] Sababaraha Hemiptera nyarupaan Kumbang, ngan kumbang teu miboga sampul jangjang nu patumpuk.[3]

Babagian

Hemiptera kabagi kana 3 Subordo, nyaéta bug sajati (Heroptera); Hopper (Auchenirrhyncha) jeung kutu daun, gegeremet skala; Lerps jeung bug nu miboga tipung (Sternorrhincha).[4]

Heteroptera

Heteroptera miboga jangjang hereup nu teuas di dasarna jeung membran na tungtungna.[4] Beuteungna darat jeung nyumputkeun membran jangjang tukangna.[4] Hulu jeung antena bisa leuleus dipajukeun.[4]

Auchenorrhyncha

Miboga jangjang hareup nu sarupa dina tekstur jeung aya nyarupaan tenda luhureun beuteung.[4] Hulu jeung antena nunjuk ka handap jeung balik deui.[4]

Sternorrhyncha

Biasana miboga awak nu lemes jeung sabagian gedé spésiesna boga jangjang.[4] Ieu sato sok nutupan manéhna ku lilin atawa budah nu nyegah awak lemesna jadi garing.[4]

Referensi
  1. (en)Hemiptera classification (diakses 7 Maret 2016)
  2. (en)Hemiptera order (diakses 8 Maret 2016)
  3. (en)Hemiptera (diakses 8 Maret 2016)
  4. (en)Hemiptera Insect Archived 2013-07-09 di Wayback Machine (diakses 8 Maret 2016)
Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan.


This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.