Hayam Katé

Hayam Katé; bantam chicken, nyaéta hayam nu pangawakanna leutik.[1] Malahan spésies serama mah, cenah kasebut hayam pangleutikna.[2]

Hayam Katé
Hayam katé ti Taman-Sari, Yogyakarta
Klasifikasi ilmiah
Karajaan:
Animalia
Filum:
Chordata
Kelas:
Aves
Ordo:
Galliformes
Kulawarga:
Phasianidae
Génus:
Gallus
Spésiés:
G. gallus
Subspésiés:
G. g. domesticus
Ngaran trinomial
Gallus gallus domesticus

Sanajan ieu hayam leutik dedeg pangadegna lain ngandung harti hayam murah, malahan bisa leuwih mahal hargana tinimbang hayam biasa nu pangawakana leuwih gedé.[3] ku lantaran hayam katé mah nu diarah lain dagingna tapi mibanda sababaraha kaleuwihan nu teudipibanda ku hayam biasa kayaning, bulu nu éndah, kongkorongokna hadé, jawér amucuy, pangawakana pédékrék, sarta paripolahna pikalucueun.[4] Hayam katé loba nu ngahaja ngingu pikeun papaés diburuan, atawa ngahaja dikandangan sangkan teu ngencar.[5] Ku numikaresepna, hayam katé nu hadé téh cenah kudu mibanda katangtuan kayaning : awakna henteu beurat teuing (hampang), beuheungna ngawangun hurup S, huluna dangah tur semu kabatek ka tukang, jang-jangna heuras ngangsar ka handap, buntutna panjang kalayan bentik kaluhur.[3]

Sajarah

Hayam katé mimiti dipiwanoh dina taun 1700 ku para sudagar ti nagara Éropa, tempatna di keresidenan Banten kiwari geus jadi Propinsi Banten.[5] Maranéhna nyebut ieu hayam téh Bantam chicken, atawa hayam Banten.[5] Ieu hayam pangawakanna pedékrék pendék béda jeung hayam nu lian, ku alatan kitu hayam katé mah dipiara pikeun papaés lain diarah dagingna.[5] Dalah ti kitu ari asal muasalna mah tacan puguh katohyan, ngan baé dina dedeg pangadegna mah sarimbag jeung hayam katé nu aya di nagara Jepang tayalian jawérna gedé, sukuna pondok, sarta pamatukna semu bodas.[3]

Spesiés hayam katé

Sababaraha spesiés hayam katé nu kapanggih hirup dinagara urang:

  • Hayam katé lokal
  • Hayam katé batindo
  • Hayam katé bangkok
  • Hayam katé emas
  • Hayam katé kaki pedang
  • Hayam katé chochin[3]
  • Hayam katé batik kanada
  • Hayam katé sutra
  • Hayam katé serama[2]

Dicutat tina
  1. Nicol, William (2007). Kamus Saku Bahasa Inggris. Jakarta: Pustaka Widyatama. ISBN 9789796101504.
  2. Cahyono, Ir. Bambang (2011). Ayam Buras Pedaging. Cimanggis, Depok: Penebar Swadaya Grup. ISBN 9789790024748.
  3. Suryana, Dayat (2013). Ternak Ayam. Bandung: Cetakan besar. ISBN 9781492265795.
  4. Rukmana, H. Rahmat (2003). Ayam Buras Intensifikasi Dan Kiat Pengembangan. Yogyakarta: Kanisius. ISBN 9789792106800.
  5. (en) "Bantam" (php). Diakses tanggal 2012-08-18.
Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan.


Baca ogé
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.