Hérbarium

Herbarium nyaéta matérial tutuwuhan anu disimpen tur diawétkeun. [1] Herbarium ge bisa disebut tempat pikeun nyimpen material tutuwuhan.[1] Herbarium asal kecapna tina "hortus jeung botanicus" anu hartina kebon botani. [2] Herbarium mimiti diwanohkeun tur digunakeun ku Turnefor taun 1700.[2] Dina mangsa harita, Turnefor nyieun herbarium téh tina tutuwuhan ubar anu digaringkeun pikeun koleksi.[2] Dina taun 1490 nepika 1550, herbarium ngalaman kamekaran, nyaéta ku Luca Ghini, profesor botani ti universitas Bologna nu nyieun herbarium téh ngagaringkeun tutuwuhan ku cara ngadempetkeun materialna dina buku.[2] Herbarium téh aya dua rupa, nyaéta herbarium baseuh jeung herbarium garing. [3] Herbarium baseuh nyaéta spesiesmen tutuwuhan anu geus diawetkeun, kucara disimpen dina larutan anu dijieun tina komponen zat anu miboga rupa-rupa komposisi.[3] Sedengkeun herbarium garing nyaéta ngawetkeun material tutuwuhan ku cara digaringkeun, tapi ciri morfologina tetep bisa dipaluruh jeung dijadikeun babandingan dina determinasi saterusna.[3]