Gilang Ramadhan

Gilang Ramadhan nyaéta salah sahiji drummer jeung musisi Indonesia.[1] Lahir di Bandung tanggal 30 Mei 1963.[1] Mangrupa anak kadua ti pasangan Ramadhan Kartahadimadja (Ramadhan KH) jeung Safrida Nasution.[1] Ti leuleutik kénéh geus wanoh kana sawatara alat musik kayaning piano, biola, jeung drum.[2] Mimiti diajar piano di Taman Ismail Marzuki (TIM) taun 1971.[2] Kungsi indit ka Perancis pikeun diajar piano jeung orgen ka Slamet Abdul Sjukur.[2]
Gilang nuluykeun sakolana di Professional School Hollywood Amerika Serikat jurusan musik taun 1980-1982.[2] Taun 1981-1984 Gilang ogé diajar di Los Angeles City College (LACC) jurusan perkusi.[2] Kungsi ngagabung jeung sawatara band Amerika kayaning LACC Big Band aliran mainstream jazz taun 1983.[2]
Taun 1985 Gilang ngagabung jeung Indra Lesmana dina grup Nebula.[2] Taun 1986 kungsi ngagabung jeung Karimata aliran pop.[2] Bareng jeung Indra Lesmana nyieun Indra Lesmana’s Group dina taun 1987 nu aliranana progressive jazz tur nyieun ogé album new age.[2] Salian ti éta, Gilang ogé gabung jeung grup-grup lianna saperti Java Jazz, PIG, jeung Nera.[2] Kungsi ancrub dina kelompok musik Krakatau Band bareng jeung Trie Utami, Indra Lesmana, Dwiki Dharmawan jeung sajabana.[1] Gilang Ramadan hiji-hijina pamaén drum di Indonésia nu disponsoran ku Zildjian, perusahaan simbal di Amerika Serikat jeung Yamaha, perusahaan drum panggedéna di Jepang.[2]

Gilang Ramadhan