Basisir Pangandaran

Basisir Pangandaran mangrupa salah sahiji objék wisata nu aya di Jawa Kulon.[1] Perenahna di Désa Pananjung jeung Désa Pangandaran, Kacamatan Pangandaran, Kabupatén Pangandaran, kurang leuwih 92 km ti kota Ciamis.[1] Ieu basisir miboga kaonjoyan daripada basisir lianna, di antarana waé:

  1. Bisa ningali éndahna panonpoé isuk-isuk jeung soré di tempat nu sarua.[1]
  2. Miboga taman laut, rupa-rupa lauk jeung kahirupan laut nu éndah.[2]
  3. Miboga basisir nu ngeplak bodas.[2]
  4. Cai di lautna hérang sarta jarak antara pasang jeung surut relatif sarua nu ngabalukarkeun uarng bisa ngojay kalawan aman.[2]
Basisir Pangandaran

Ku ayana kaonjoyan-kaonjoyan tadi, wisatawan nu datang ka Pangandaran bisa ngalakukeun rupa-rupa kagiatan saperti ngojay, mancing, pelesiran maké parahu, sasapédahan, jét ski jeung sajabana.[2]
Aya ogé ritual nu sok dilaksanakeun di ieu basisir nyaéta Hajat Laut.[1] Mangrupa upacara nu dilakukeun ku pamayang di Pangandaran minangka ébréhan rasa sukur ka Gusti Nu Maha Kawasa ku cara miceun sasajén ka laut.[1] Ieu acara biasana dilaksanakeun di bulan Muharam.[1] Sedengkeun acara rutin tingkat internasional nu mindeng dilaksanakeun nyaéta Festival Layang-layang Internasional (Pangandaran International Kite Festival).[1]

Fasilitas basisir Pangandaran
  • Tempat parkir nu kawilang lega.[2]
  • Hotél, réstoran, pondok wisata kalawan tarif nu béda-béda.[2]
  • Pos, jeung money changer.[2]
  • Bioskop jeung diskotik.[2]
  • Pramuwisata jeung puseur informasi pariwisata.[2]
  • Tempat kémping.[2]
  • Sapédah jeung ban paranti ngojay.[2]
  • Parasailing jeung jétski.[2]

Hotél di Pangandaran
  1. Hotél Laut Biru.[1]
  2. Pantai Indah Resort & Hotel Pangandaran.[1]
  3. Sunrise Béach Pangandaran Hotel.[1]
  4. Surya Pesona Béach Hotel Pangandaran.[2]
  5. PURI RENGGANIS.[2]
  6. Mustika Ratu Hotel.[2]

Rujukan
  1. Pangandaran Archived 2011-11-06 di Wayback Machine (Diakses tanggal 31 Oktober 2011) (id)
  2. Pantai Pangandaran (Diakses tanggal 31 Oktober 2011) (id)
Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan.


This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.