Basisir Apra

Basisir Apra nyaéta salah sahiji basisir anu aya di pakidulan Kabupatén Cianjur.[1] Perenahna di kacamatan Sindangbarang, jarakna kira-kira 115 Km ti puseur kota Cianjur.[2]

Di ieu basisir rupa-rupa kagiatan bisa dipilampah kayaning ngojay, moyan, ngalakukeun olah raga basisir, ningali pamandangan, jeung ngalakukeun kagiatan fotografi.[1] Alatan legana aréal keusik basisirna jeung angin anu lumayan tarik, ngajadikeun ieu basisir téh cocog pikeun kagiatan féstival langlayangan jeung kagiatan lianna kayaning Voli Pantai.[1]

Basisir Apra mibanda ajén sajarah sorangan, dina hal jadi saksi sajarah baruntakna Angkatan Perang Ratu Adil (APRA) dina awal mangsa kamerdékaan Indonésia.[1] Komo numutkeun béja pabéja-béja mah di ieu wewengkon basisir téh aya bénténg.[1] Basisir apra ogé midanda poténsi sumber daya alam anu pohara gedéna mangrupa keusik beusi.[1] Kualitas keusik beusi ani aya di ieu basisir kawilang hadém matak narik invéstor pikeun melakkeun modalna.[1]

Unggal pakansi ahir taun, ieu basisir téh sok jadi tujuan utama wisata wewengkon basisir pakidulan.[2] Numutkeun cutatan bagian rétribusi basisir Apra, sahenteuna kandaraan roda dua anu datang dina peuting ganti taun 2009-2010 (tanggal 1 Januari 2010) ngahontal 2000 kandaraan roda dua.[2] Ana pon kandaraan roda opat ngahontal 500 unit.[2] Ieu kajadian langka unggal ganti taun di wewengkon ieu téh jadi lahan pikeun ngadatangkeun rejeki keur warga.[2]


Réferénsi
  1. (id)Wisata Pantai Selatan Archived 2016-05-30 di Wayback Machine (diakses tanggal 28 Oktober 2011)
  2. (id)Tahun Baru, Ribuan Warga Serbu Pantai Selatan Cianjur (diakses tanggal 28 Oktober 2011)
Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan.


This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.