Bajing taneuh

Bajing taneuh; Lariscus hosei; Bajing tanah bergaris empat (id) nyaéta hiji sato endemis Kalimantan anu asalna tina kulawarga Sciuridae .[2] [3] Bajing taneuh kagolongkeun kana Mammalia atawa sato anu ngalahirkeun anak.[4] Dimana tempat hirupna/habitat ruksak, populasi bajing ieu pasti bakal tumpur.[2] Ieu sato masih kénéh sa ordo jeung beurit: Rodentia taya lian hewan pengerat.[3] Kelasna Sciuridae tina genus Lariscus.[2][5]

Bajing taneuh (gurat opat)
Status konservasi

Near Threatened  (IUCN 3.1)[1]
Klasifikasi ilmiah
Karajaan:
Animalia
Filum:
Chordata
Kelas:
Mammalia
Ordo:
Rodentia
Kulawarga:
Sciuridae
Génus:
Lariscus
Spésiés:
L. hosei
Sinonim

Sciurus hosei

Tempat hirup

Bajing taneuh kapanggih hirup di wewengkon Serawak, Sabah, jeung Kalimantan .[2] Hirup di jero leuweung, dina tempat anu perenahna sabudeureun 1000 méter di luhureun beungeut cai laut .[2] Hirup di tropis garing jeung leuweung subtopis.[2] Sagigireun kapanggih di Indonésia jeung Malaysia, ogé kapanggih di Thailand.[2][5]

Bajing taneuh kagolongkeun sato anu diriksa kalumangsungan hirupna/dilindungi, alatan geus kawilang langka .[2] Lobana leuweung anu dibabad dijieun lahan perkebunan anu ngabalukarkeun habitat asli bajing taneuh jadi ruksak.[2] Dimana habitatna ruksak, populasi bajing taneuh ogé bakal ruksak tur tumpur.[2][5]

Ciri mandiri

Bajing taneuh wujudna sarua jeung bajing séjéna, anu ngabédakeun taya lian ayana gurat-gurat anu jumlahna opat dina tonggongna.[6] Kelir buluna coklat dina palebah beuteungna rada oranye.[7] Bajing taneuh jangkungna 189 mm sedengkeun anu jaluna 181 mm.[7] Beurat rata-rata bajing taneuh kurang leuwih 215 gram.[7]


Rujukan
  1. Duckworth, J. W.; Hedges, S. (2008). "Lariscus hosei". The IUCN Red List of Threatened Species (IUCN) 2008: e.T11304A3268557. doi:10.2305/IUCN.UK.2008.RLTS.T11304A3268557.en. http://www.iucnredlist.org/details/11304/0. Diakses pada 12 January 2018.
  2. "Lariscus hosei". IUCN Red List. Diakses tanggal 9 Mei 2014.
  3. "Four Striped Ground Squirrel". Inatural List. Diakses tanggal 9 Mei 2014.
  4. "Lariscus-hosei". ITIS Report. Diakses tanggal 9 Mei 2014.
  5. W. Thorington, Jr., John L. Koprowski, Michael A. Steele, James F. Whatton, Richard (2012). Squirrels of the World. Jakarta: JHU Perss. p. 169. ISBN 9781421408682. Diakses tanggal (disungsi – 7 Maret 2021).
  6. "Four-striped Ground Squirrel (Lariscus hosei)". Igo Terra. Diakses tanggal 9 Mei 2014.
  7. "Squirrels of the World". JHU Press. Diakses tanggal 9 Mei 2014.
Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan.


This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.