23 April
23 April nyaéta poé ka-113 dina sataun (ka-114 dina taun kabisat) dina kalénder Gregorian, sésana 252 poé.
| ||||||||||||||||||||||||||||||||||||||||||||||||||||||||
Kajadian
- 1014 – Patempuran Clontarf: Raja Irlandia, Brian Boru ngéléhkeun para panyerang Viking, tapi maot dina patempuran.
- 1516 – Bayerische Reinheitsgebot (undang-undang pamurnian bir) ditarékeun di Ingolstadt, Jérman.
- 1521 – Patempuran Villalar: Raja Charles I ti Spanyol ngéléhkeun urang Comunero (Kastile).
- 1655 – Pangepungan Santo Domingo dimimitian dina Perang Anglo-Spanyol sarta gagal tujuh poé ti harita.
- 1660 – Perjangjian Daméy Oliva ditanjeurkeun ku Swédia jeung Polandia.
- 1815 – Pangbarontakan Sérbia Kadua lumangsung teu lila sabada nagri éta dicaplok ku Turki Utsmani.
- 1918 – Perang Dunia I: Angkatan Laut Inggris nyieun serangan dina raraga ngamankeun Palabuan Bruges-Zeebrugge, Bélgia.
- 1920 – Majelis Agung Nasional Turki nu dipingpin ku Mustafa Kemal Atatürk ngabubarkeun pamaréntahan Sultan Mehmed VI sarta ngabéwarakeun konstitusi sawatara.
- 1927 – Cardiff City ngéléhkeun Arsenal dina Final Piala FA, sakali-kalina piala éta bisa dimeunangkeun ku hiji tim nu teu ngadumuk di Inggris.
- 1940 – Kahuruan di Kleub Rhytm di Natchez, Mississippi, nelasan 198 jalma.
- 1941 – Perang Dunia II: Pamaréntahan Yunani jeung Raja George II ngungsikeun urang Athéna saméméh panyerangan Wehrmacht (pasukan gabungan Jérman).
- 1942 – Perang Dunia II: Baedeker Blitz: Pasawat pangebom Jérman nyerang Exeter, Bath jeung York dina rararga males kana serangan Inggris ka Lübeck.
- 1945 – Perang Dunai II: Pibakaleun gaganti Adolf Hitler, Hermann Göring, ngirim telegram ménta ijin pikeun jadi pamingpin Third Reich. Martin Bormann jeung Joseph Goebbels mépélingan Hitler yén éta telegram téh panghianatan.
- 1951 – Perang Tiis: Jurnalis Amérika, William N. Oatis dicerek ku pamaréntahan komunis Cékoslowakia alatan spionase.
- 1968 – Perang Viétnam: Mahasiswa nu protés kana perang di Universitas Kolumbia di Kota New York, ngarebut gedong administrasi sarta nutup universitas.
- 1971 – Saheunteuna 3.000 imigran urang Hindu ditandasa di Jathibhanga, Pakistan Wétan (kiwari Bangladésh).
- 1985 – Coca-Cola ngarubah resépna sarta medalkeun Coke anyar. Panimbalanna bener-bener negatif sarta resép nu asli dipaké deui kurang ti tilu bulan ti harita.
- 1989 – Padagang inuman anggur, William Sokolin, meupeuskeun hiji botol Château Margaux taun 1787, nu kamungkinan baheulana dipimilik ku Thomas Jefferson, nu hargana satara jeung $500,000 di Réstoran Four Seasons di New York
- 1990 – Namibia jadi anggota PBB nu ka-160 sarta anggota Nagara-Nagara Pasamakmuran nu ka-50.
- 1993 – Urang Éritréa marilih pikeun merdéka ti Éthiopia dina hiji réferéndum nu disérangkeun ku PBB.
- 1993 – Pulitisi Sri Langka, Lalith Athulathmudali dipateni nalika keur pidato dina hiji kukumpulan, opat minggu saméméh pamilihan Déwan Propinsi pikeun Propinsi Kulon lumangsung.
- 2005 – Vidéo YouTube nu munggaran pisan, judulna "Me at the zoo", dipedalkeun ku pamaké “jawed”.
- 2013 – Saheunteuna 28 jalma maraot di Irak sarta leuwih ti 70 lianna taratu nalika pakéwuh lumangsung di Hawja, Irak.
- 2018 – Hiji serangan tubrukan mobil nelasan sapuluh jalma di Toronto. Kasangka Alek Minassia nu umurna 25 taun ditahan.
- 2019 – Hiji longsor kajadian di tambang giok di kalér Myanmar, 54 panambang teu katimu, sigana mah geus maraot.
- 2019 – Lini kadua narajang Pulo Samar di Philipina ku 6,3 mw sabada poé kamarina lini 6,1 mw narajang Pulo Luzon. Genep belas urang palastra.
- 2019 – Vaksinasi malaria nu munggaran di dunia, nu bisa méré panyalindungan parsial pikeun barudak, dimimitian di Malawi ku WHO.
Nu babar
- 1564 – William Shakespeare,[1] sastrawan Inggris (td. 1616)
- 1791 – James Buchanan, présidén AS ka-15 (td. 1868)
- 1903 – Mas Acé Salmun Raksadikaria, bujangga, ahli basa jeung sastra Sunda jeung Indonésia
- 1979 – Jaime King, artis Amérika
- 1979 – Joanna Krupa, modél Amérika Polandia
- 1994 – Citra Kirana, béntang sinetron Indonésia
- 1995 – Gigi Hadid, modél Amérika
- 1996 – Irish Bella, artis Indonésia
- 2018 – Pangéran Louis ti Cambridge, pangéran Inggris
Nu Pupus
Poé peré / poé panginget-nginget
- Poé Bahasa Inggris (PBB)
Tumbu luar
 |
Artikel ngeunaan kalénder ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |
Réferénsi
- "Famous Birthdays on April 23" On This Day. Diaksés 13 April 2020.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.