| Raphaël Stines | |
|---|---|
| |
| Fonksyon | aktè, reyalizatè, pwodiktè |
| Nesans | Pòtoprens |
| Lanmò | (ak 74 ane) Ayiti |
| Nasyonalite | ayisyen |
| Domèn | sinema, televizyon, teyat |
Raphaël Stines, ki fèt 1e fevriye 1933 nan Pòtoprens nan Ayiti epi ki mouri 25 out 2007, se yon aktè, pwodiktè ak reyalizatè ayisyen.
Biyografi
Li fè etid nan Teknik fim nan Nouyòk. Li fè pwodiksyon dokimantè CPTC nan Kinstòn, nan Jamayik.
Aprè etid sinema nan Etazini, li rantre nan Ayiti. Li fèt pwodiksyon dramatik ak imoristik avèk aktè ak komedyen ayisyen. Nan lane 1976, li reyalize premye fim sinema lan Map pale nèt. Kout fim sa a se yon adaptasyon enspire pyès teyat Jean Cocteau Le bel indifférent, avèk kèk aktè kòm François Latour ak Jocelyne Alphonse.
Nan lane 1990, avèk aktè Fernel Valcourt, rele Jesifra, ak jounalis Anthony Pascal "Konpè Filo", Raphaël Stines reyalize Kraze Lanfè, youn nan komedi yo ki pi popilè nan teyat ayisyen. Pwodiksyon satirik sa a te denonse diktati a Duvalier.
Nan lane 2001, li adapte nan fim yon pyès teyat ekri pa Franck Fouché Bouki nan Paradi avèk Roland Dorfeuille, rele Pyram, nan wòl Bouki, Fabienne Colas ak Sydney Louis.
Pandan plizyè ane li travay avèk Televizyon Nasyonal Ayiti (Télévision Nationale d'Haïti) (TNH) kote li te prensipal reyalizatè nan seri a trè popilè Pè Toma. Li travay tou kòm teknisyen ak direktè pwogramasyon nan Televizyon Nasyonal Ayiti. Li fòme jèn aktè ak teknisyen televizyon.
Raphaël Stines te travay anvan li mouri sou adaptasyon pou ekran an nan pyès teyat ekri pa Marcel Pagnol.
Li te manm AHC (Association Haïtienne des Cinéastes).
Li te marye ak gen kat (4) timoun.
Zèv li yo
Tankou aktè
- 1993 ː L'Homme sur les quais
Tankou reyalizatè
- 1976 ː Map pale nèt
- 1990 ː Kraze Lanfè
- 2001 ː Bouki nan paradi
- Pè Toma
Referans
Lyen deyò
- Raphaël Stines sou IMDb
- Raphaël Stines sou Africiné
- Raphaël Stines est parti sou lenouvelliste.com
- Funérailles aux Etats-Unis du cinéaste Raphaël Stines sou radiokiskeya.com