澳大利亞（英文：Australia），又喊做澳洲，係一隻高度發達嘅資本主義國家，領土面積全球第六大。其毋單淨國土遼闊，而且物産豐富，係南半球經濟最發達嘅國家，全球第十二大經濟體系，全球第四大農産品出口國，也係多種礦産出口量全球第一嘅國家。 1770年到1900年，澳大利亞曾經係英國嘅殖民地。在邇頭擺，至少有四萬年時間，澳大利亞完全係土著居民居住嘅所在。1901年，殖民統治結束，澳大利亞成爲一隻獨立嘅聯邦。
　　澳大利亞四面環海，擁有當多自家特有嘅動植物撈自然景觀。其係一隻移民國家，奉行多元文化，約有四分之一嘅居民出世在澳大利亞挪背。其人口高度都市化，接近一半國民居住在悉尼撈墨爾本兩大城市，全國多隻城市頭擺分評做世界上最適合居住嘅位所。
　　澳大利亞係一个體育強國，常年舉辦全球多項體育盛事。其還係最早倡議成立亞太經濟合作組織嘅國家。