Slattyssyn yn Unnaneys 1707
SorçhSlattys Pharlamaid ny h-Albey as Slattys Pharlamaid Hostyn Edit the value on Wikidata
Crooaght30 Averil 1707 Edit the value on Wikidata
Date soilshee1707 Edit the value on Wikidata

Ta Slattyssyn yn Unnaneys (Baarle: Acts of Union, Gaelg Albinagh: Achd an Aonaidh) çheet er daa Lattys Parlamaid: yn Union with Scotland Act 1706 ("Slattys Unnaneyssey lesh Nalbin 1706") hie trooid Parlamaid Hostyn, as yn Union with England Act 1707 ("Slattys Unnaneyssey lesh Sostyn 1707") hie trooid Parlamaid ny h-Albey. Chur ad ayns bree kianglaghyn Chonaant yn Unnaneys va coardit hannah hene er 22 Jerrey Souree 1706, lurg barganaghyn eddyr ny barrantee va hassoo er son parlamaidyn y daa heer. Rere y daa Lattys, va Reeriaght Hostyn as Reeriaght ny h-Albey—v'ayns unnaneys persoonagh ec y traa shen—unnaneysit ayns un reeriaght myr Reeriaght y Vretyn Vooar.

Va un vonark rheynnit eddyr y daa heer veih Unnaneyssey ny Crooinyn ayns 1603, tra ren Ree Jamys VI ny h-Albey eiraghey troyn Hostyn veih e ven vooinjerey ghooblit, y Venrein Ealisaid I. Ga dy row eh currit sheese myr Unnaneyssey Crooinyn, as dyn bwooise da ren Jamys goaill rish roshtyn dys un Chrooin,[1] va Sostyn as Nalbin foast nyn reeriaghtyn er lheh dy h-oikoil derrey 1707. Roish Slattyssyn yn Unnaneys, va tree eab ayn rieau (ayns 1606, 1667, as 1689) d'unnaneyssey yn daa heer rere Slattyssyn Parlamaid, agh cha row yn lught reill cohassooagh rish yn eie shen derrey shoh.

Haink ny Slattyssyn stiagh ayns bree er 1 Boaldyn 1707. Er y laa shoh, haink Parlamaid ny h-Albey as Parlamaid Hostyn ry-cheilley myr Parlamaid y Vretyn Vooar, soit ayns Plaase y Vannishter Heear ayns Lunnin, aa-hoiaghey Pharlamaid Hostyn.[2] Ayns Nalbin, t'ad cur "unnaneys ny Parlamaidyn" er y loaghtey shoh er lheh.[3]

Imraaghyn

  1. ↑ "House of Commons Journal Volume 1: 31 March 1607". Er ny hashtey veih’n lhieggan bunneydagh er 31 October 2020. Feddynit magh er 27 Jerrey Fouyir 2020.
  2. ↑ Act of Union 1707, Article 3 (Baarle)
  3. ↑ "Glossary". archive2021.parliament.scot. 2010-05-20. Feddynit magh er 2023-01-14.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.