| Paab Leon X | |
|---|---|
 | |
| Ennym ruggyree | Giovanni di Lorenzo de' Medici |
| Ruggit |
11 Mee ny Nollick 1475 Firenze, Pobblaght Firenze |
| Hooar baase |
1 Mee ny Nollick 1521 (45 bleeaney d'eash) Y Raue, Steatyn y Phaab |
| Boayl oanluckee |
Santa Maria sopra Minerva (en)  |
| Seyraanaght | Steatyn y Phaab |
| Çhengey | Iddaalish · Ladjyn |
| Keird | saggyrt Catoleagh Ladjynagh · saggyrt Catoleagh · paab |
| Ynsagh | Ollooscoill Pisa |
| Sheshey | no value |
| Ayr | Lorenzo de' Medici |
| Moir | Clarice Orsini |
| Braaraghyn as shuyraghyn |
slane rolley
|
| Enmys |
paab protonotary apostolic (en) abbot of Monte Cassino (en) abbot (en) cardinal-deacon (en) apostolic administrator (en) cardinal protodeacon (en) apostolic administrator (en) |
| Credjue | Agglish Chatoleagh Raueagh |
| Kianglaghyn fysseree as sheshoil | |
 | |
She toshiagh yn Agglish Chatoleagh as reireyder Steatyn y Phaab voish 9 Mayrnt 1513 derrey laa e vaaish ayns Mee ny Nollick 1521 va Paab Leon X (Iddaalish: Leone X; ruggit myr Giovanni di Lorenzo de' Medici, 11 Nollick 1475 – 1 Nollick 1521).
V'eh ruggit lesh y vooinjer politickagh as banceyraght scanshoil Medici voish Firenze. Va Giovanni ny nah vac lesh Lorenzo de' Medici, reireyder Phobblaght Firenze]], as v'eh yrjit dys y chardinaalaght ayns 1489. Lurg baase Phaab Jool II, va Giovanni reiht myr paab erreish da ren eh shickyraghey pohlldey voish ny h-olteynyn aegey 'sy Cholleish Chasherick. Car e reill leah dreill eh rick er seshoonyn doonee Wheiggoo Quaiyl y Lateran agh ren eh streeu ny h-aachrooghyn y chur ayns bree. Ayns 1517 stiur eh caggey costal hickyree e vac braarey Lorenzo di Piero de' Medici myr Diuc Urbino, agh leodee argid y phaabaght.
Ayns ny kiarkylyn Protestoonagh, ta Leon kianglt rish gialdynys babbanaghyn dauesyn chur argid rish aahroggalys Ard-cheeill Pheddyr Noo, cliaghtey ren Martin Luther shassoo noi 'syn obbyr Queig Jeig Traghtyssyn As Kiare Feed. Yiooldee Leon yn Aachummey Protestoonagh, as ren e vulley paabagh voish y vlein 1520, Exsurge Domine, deyrey shassoo deyree Luther as çharbaa eh veih'n Agglish.
Ghow eh argid er eeasaght as cheau eh yn argid gyn tastey, as she patroon mooar da ny h-ellynyn v'eh. Fo'n reill echey, va ram jeant er aahroggalys Ard-cheeill Pheddyr Noo as ren ellyneyryn lheid as Raphael jesheenaghey shamyryn y Vatican. CHammah's shen, ren Leon aa-reaghey Ollooscoill y Raue, as chur eh studeyrys er y lettyraght, yn 'eeleeaght, as y çhenndeeaght er oaie. Hooar eh baase ayns 1521 as t'eh oanluckit ayns Santa Maria sopra Minerva, y Raue. V'eh ny phaab jerrinagh nagh row 'sy taggyrtys tra v'eh reiht da'n phaabaght.
Kianglaghyn magh
- Herbermann, Charles, rd. (1913). . Catholic Encyclopedia. York Noa: Robert Appleton Company.
- Vita de Leonis X bea ayns Ladjyn liorish Paulus Jovius
- Henry VIII dys Paab Leon X. 21 Boaldyn 1521
- Leon X dys Ferdorraghey, Reihder Sachsen. Y Raue, 8 Jerrey Souree 1520
- Duillag Paabyn Paradoxplace Medici