Kaart Castello, caslys-çheerey Amsterdam Noa veih'n vlein 1660. Hug y doon e ennym da The Battery (ayns Manhattan jiu), haink y straid vooar ta goll shaghey yn boalley dy ve Broadway ("y bollagh lhean"), as hug boalley yn valley e ennym da Wall Street.

She coloin Ollanagh va Amsterdam Noa (Ollanish: Nieuw Amsterdam, Baarle: New Amsterdam). V'eh bunnit 'sy 17oo eash ec bun jiass Ellan Manhattan as she soiag y reiltys coloinagh 'sy Çheer Injil Noa v'eh. Hug y kione-stashoon dellal rish irree as troggal balley mygeayrt Fort Amsterdam. Va'n doon soit ec y vun strateyshagh jiass jeh ellan Manhattan as v'eh jeerit er coadey obbraghyn traght fynnee Cholught Ollanagh yn Eear-Injey 'syn Awin Hwoaie (Awin Hudson). Ayns 1624, haink eh dy ve ny heeyney queiggagh jeh'n Phobblaght Ollanagh as v'eh enmyssit myr preeu-valley yn wheiggey ayns 1625.

Roish 1655, va 2,000 sleih cummal 'sy Çheer Injil Noa, as 1,500 jeu cummal ayns Amsterdam Noa. Roish 1664, va begnagh 9,000 sleih cummal 'sy Çheer Injil Noa, lesh 2,500 jeu ayns Amsterdam Noa, 1,000 jeu cummal faggys da Fort Orange, as y sleih elley cummal ayns baljyn as baljyn beggey elley.[1][2] She Ollanee York Noa ny sluightee jeu.

Ayns 1664, ghow ny Sostynee stiurey er Amsterdam Noa as ren ad aaenmyssey eh York Noa ass Diuc York (haink dy ve Jamys II & VII). Lurg y Nah Chaggey Anglo-Ollanagh ayns 1665–67, ren Sostyn as Queiggaghyn Unanneysit y Çheer Injil coardail rish y staydys roie ayns Conaant Breda. Dreill ny Sostynee stiurey harrish ellan Manhattan, as lhig ny h-Ollanee seose nyn aggyrtys er y valley as y chooid elley jeh'n choloin, tra lhig ny Sostynee seose nyn aggyrtys formoil er y Toorinam ayns America Yiass, as er ellan Run ayns ny h-Injyn Hiar da ny h-Ollanee, shickyraghey nyn stiurey er Ellanyn ny Spiosyn berçhagh. Jiu, ta Lower Manhattan soit raad va Amsterdam Noa soit.

Imraaghyn

  1. ↑ "The Colony of New Netherland", 2009, liorish Jaap Jacobs, dg. 32.
  2. ↑ Park, Kingston Ubarn Cultural. "Dutch Colonization". nps.gov.

Kianglaghyn magh

Ta tooilley mean ayns Wikimedia Commons bentyn rish: New Amsterdam.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.