Magnus VI Lagabøte
Magnús lagabœtir


Lhing 1257 – 1263
1263 – 1280
Ruggit 1 Boaldyn 1238(1238-05-01)
Boayl ruggyr Tønsberg
Baase 9 Boaldyn 1280 (42 bleeaney d'eash)
Ynnyd baaish Bergen
Roie-immeeaght Haakon IV Norlynn & Haakon Aeg
Eiyrtyssagh Eric II
Sheshey ny Crooiney Ingeborg Eriksdotter
po. 1263; tr. 1280
Reeraghtys Hårfagreætta
Ayr Haakon IV Norlynn
Moir Margrét Skúladóttir

She ree Norlynn va Magnus VI Lagabøte (Shenn Norlynnish: Magnús lagabœtir, Gaelg: Magnus karreyder leigh) ny Magnus Håkonsson (Shenn Norlynnish: Magnús Hákonarson) eddyr 1263 as 1280.[1]

She mac saa Håkon Håkonsson as Margrét Skúladóttir v'ayn. Rug eh ayns Tønsberg er 1 Mee ny Boaldyn 1238, as goll er bashtey. V'eh troggit ayns Bergen. Hooar e vraar Håkon ayns 1257 as faagail Magnus myr eirey y reeriaght. Er 11 Mean Fouyir 1261, phoos eh ben-phrinse Ingeborg, inneen Ree Erik Plogpenning Ghanvarg marroo. Hooar Ree Håkon baase er 16 Mee ny Nollick 1263 rish caggey noi ree Nalbin er ny h-Inshyn Goal, as hie Magnus er crooinaghey ny ree Norlynn.

Baase

Ayns arrey 1280, haink çhingys er Magnus ayns Bergen as hooar eh baase er 9 Mee ny Boaldyn. V'eh fo e vac Eirik y chrooinaghey myr co-ree rish mean souree, agh nish haink Eirik y ve ree ynrican rish 12 vleeaney d'eash. Va feer phooar ec quaiyl choyrlee, goaill stiagh Ingeborg. Ta enney er Magnus myr ree mie ren ymmyd jeh leigh ayns ynnyd niart. She ree faase v'ayn er lesh kuse dy hennaghyssee er y fa dy ren eh livrey seose ny h-Inshyn Goal as cur sheese rere mianyn ny killagh.[2] Er lesh sleih elley, she polaase creeney v'ayn ren scapail caggaghyn fardailagh as shickyraghey shee ny çheerey. Hie eh er oanluckey ayns agglish vannishter Fransiscagh Vergen, as shen Ard-Çhiamble Vergen neayr's y 16oo eash.

Imraaghyn

  1. ↑ Magnus 6 Håkonsson Lagabøte – utdypning(Store norske leksikon)
  2. ↑ m.s. Oscar Albert Johnsen, Noregsveldets undergang (Kristiania, 1924)
She bun ta'n art shoh. Cur rish, son foays y yannoo da Wikipedia.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.