Ta jeshaghteyrys ny cheird oaylleeagh bentyn rish ymmyd feamagh dy oaylleeaght as maddaght son dy 'eaysley feyshtyn[1]. Ta'n magher goaill stiagh ny oaylleeaghtyn ta bentyn rish ronsaghey, gobbraghey as aafilley çhaghnoaylleeagh as jeeillaght. Ta jeshaghteyryn nyn veaysleyderyn dy 'eyshtyn; t'ad geabbey croo ny sharaghey kiaddey as obbragh dy chooilley sorçh dy red[2]. T'ad jannoo ymmyd jeh maddaght as saaseyn oltscarrey son dy yannoo troaryn sauçhey as obbragh er bun oaylleeaght vunneydagh[3]. Chammah's kiaddey as jannoo troggalyn, jeshaghtyn ny obbraghyn, ta jeshaghteyryn gobbraghey adsyn, as roie-insh ny nee adsyn fo coryn as ayns çhymbylaghtyn er lheh[4]. T'ad jannoo ymmyd jeh daa chooid mooar: stoo as bree[4].

Rere Ollooscoill Lunnin Queen Mary:[2]

“ "Ta jeshaghteyryn ny feaysleyderyn-feyshtyn erskyn ooilley. T'ad geddyn feaylsyn da doilleeidyn co-chasht, as t'ad dy kinjagh son sharaghey kiaddey as obbragh red erbee nod oo smooinaghtyn er, veih craueyn lheshey laue-jeant dys etlanyn, stapleyryn dys cameryn, gleashtanyn ratçhal dys stashoonyn lectraghys..." ”

Ta jeshaghteyrys shirrey feaysley share da feysht, cur geill da as cormal dagh tro as feme yn 'eysht. Myr sampleyr, shegin daue geill da leighyn y chur, da femeyn sauçhys, da costys, as myr shen. Foddee dy vel y feaysley share y fer smoo fondagh as costys ny sloo na earroo er lheh echey, ny'n saase s'tappee as kiartys ny smoo na 80% echey. Dy mennick, ta costyn sheshoil ec yn 'eysht chammah; myr sampleyr, ayns 1965, ren ad baih Tryweryn ayns Bretin son dy chroo doour verragh ushtey da Lerphoyll[5].

Imraaghyn

  1. ↑ Georgia Tech. What is Engineering? (Baarle).
  2. 1 2 Queen Mary University of London. Engineering Degrees Courses London UK (Baarle). Engineers are the ultimate problem-solvers, finding solutions to knotty situations, constantly aiming to improve the design and production of practically anything you can think of, from artificial hips to aeroplanes, staplers to cameras, racing cars to power stations…
  3. ↑ Ollooscoill Ghlaschu. University of Glasgow : Aerospace Engineering : FAQ (Baarle).
  4. 1 2 Britannica Online Encyclopedia (Baarle) (2009). Feddynit er 2009-03-25.
  5. ↑ Llyfrgell Genedlaethol Cymru. Ymgyrchu! - Y Diwydiant Dwr (Bretnish). Feddynit er 2009-03-25.


She bun ta'n art shoh. Cur rish, son foays y yannoo da Wikipedia.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.