Gary Sinise

Sinise ayns Boaldyn 2011
Ruggit 17 Mayrnt 1955
(69 bleeaney d'eash)
Blue Island, Illinois, SUA
Ashoonaght Americaanagh
Seyraanaght Steatyn Unnaneysit America
Çhengey Baarle
Keird stiureyder scannane · kiaulleyder · aghteyr ardan · aghteyr scannane · aghteyr çhellveeish · stiureyder theater · aghteyr · gienteyder scannane · gienteyder çhellveeish · stiureyder
Bleeantyn obbree 1973-jiu
Greieyn gitar bass · gitar
Ynsagh Ollooscoill Steat Illinois
Sheshey Moira Harris (en) Translate  (1981 -
Partee politickagh y Partee Pobblaghtagh
Credjue Catoleaghys
Aundyryn
slane rolley
  • enllaç= Presidential Citizens Medal
    Golden Globe Award for Best Actor – Miniseries or Television Film  (1996) : Truman (en) Translate
    Primetime Emmy Award for Outstanding Lead Actor in a Miniseries or a Movie  (1998) : George Wallace (en) Translate
    star on Hollywood Walk of Fame
    Drama League Award
Kianglaghyn fysseree as sheshoil
IMDb nm0000641
Discogs ID 956137
Instagram garysiniseofficial
Twitter GarySinise
garysinise.com

She aghteyr, deincharrey, as kiaulleyder Americaanagh eh Gary Alan Sinise (ruggit er 17 Mayrnt 1955). Mastey aundyryn elley, t'eh er chosney Aundyr Primetime Emmy, Aundyr Golden Globe, Aundyr Tony, as kiare Aundyr y Screen Actors Guild. Chammah's shen, t'eh er gheddyn roltage er y Hollywood Walk of Fame,[1] as v'eh enmyssit son Aundyr Academy.[2] Ta Sinise er gheddyn ram aundyryn as onnoryn son yn obbyr deinchaarjoil lheeadagh as obbyr marish sheshaghtyn giastyllagh. She pohllder sheshaghtyn shenn sidooryn eigsoylagh t'eh as ren eh cur er bun y bann Lt. Dan Band (enmyssit ayns onnor e characteyr ayns Forrest Gump), ta cloie ec garrastanyn cahnagh er feie ny cruinney.

Hoshee coorse cloie Sinise er yn ardan marish y Steppenwolf Theatre Company ayns 1983 tra ren eh stiurey as cloie ayns gientyn y chloie True West liorish Sam Shepard raad ren eh cosney Aundyr Obie. Hie eh er oaie cosney kiare enmyssaght son Aundyryn Tony goaill stiagh son e chloiaghyn ayns The Grapes of Wrath sa One Flew Over the Cuckoo's Nest. Chossyn eh Aundyr Tony y Theater Ardjynagh marish y Steppenwolf Theatre Company.

Ren eh cloie da'n chied cheart 'sy scannanaght ayns aachummey scannane y lioar liorish John Steinbeck, Of Mice and Men va stiurit as gientit lesh neesht. Ren Sinise cloie George Milton marish John Malkovich ren cloie Lennie. Mastey ny paartyn elley echey, t'ad goaill stiagh Lieutenant Dan Taylor ayns Forrest Gump (1994) raad v'eh enmyssit son Aundyr Academy son yn Aghteyr Co-hassooagh Share. Ghow eh ayrn chammah ayns scannaneyn elley lheid as Apollo 13 (1995), Ransom (1996), The Green Mile (1999) as Impostor (2002).

Ta enney mie er chammah son e chloiaghyn er y çhellveeish, goaill stiagh e phaart myr Harry S. Truman ayns Truman (1995), raad ren eh cosney Golden Globe, as y paart enmyssagh 'sy scannane çhellveeish George Wallace, raad ren eh cosney Aundyr Primetime Emmy. Va paartyn toshee echey chammah myr y Cronneyder Mac Taylor 'sy straih CSI: NY (2004–13) liorish CBS. Voish 2016 derrey 2017, ren Sinise cloie Meoir Er-lheh Jack Garrett ayns Criminal Minds: Beyond Borders.

Imraaghyn

  1. ↑ "Gary Sinise Awarded Walk of Fame Star For footballer Acting, Pro-Military Activism", Fox News (17 Averil 2017). Feddynit magh er 18 Averil 2017.
  2. ↑ Eller, Claudia; King, Susan. "The 67th Academy Award Nominations: Bubba Gump Oscar Co." Los Angeles Times, 15 Toshiaght Arree 1995

Kianglaghyn magh

Ta tooilley mean ayns Wikimedia Commons bentyn rish: Gary Sinise.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.