Ta ennymockle conastagh çheet er ennymockle ta cowraghey, dy undinagh, kianglaghyn eddyr nhee er lheh as nhee elley.[1]

Myr sampleyr, cha nel keeall erbee ec "moir", "carrey" as "laue-lheeys" mannagh vel ad cowraghey "moir pheiagh ennagh", "carrey peiagh ennagh", ny "laue-lheeys er peiagh ennagh". 'Syn aght cheddin, ta cooyl, baare as bun cowraghey rheynn dy red elley son y chooid smoo.

Ta ennymocklyn conastagh nyn ennymocklyn rere co-ordrail, agh t'ad jannoo obbyr taah-ocklyn. Ta focklyn myr shen ry-akin ayns ymmodee çhengaghyn, agh ta çhengoayllee jannoo ymmyd jeh bentyn rish çhengaghyn Mesoamericaanagh son y chooid smoo. Ta çhengaghyn as ennymocklyn conastagh oc goaill stiagh çhengaghyn Mayagh, çhengaghyn Mixeagh-Zoqueagh as çhengaghyn Oto-Mangueagh.

She ennymockle cadjin t'ayn rere grammeydys, agh ta'n keeall echey cowraghey conastey reamyssagh ny emshiragh, cha nel "nhee"; myr shen, ta ymmyd jeant jeu dys soilshaghey ynnyd, gleashaght as kianglaghyn elley, 'syn aght cheddin as roie-ockle ayns çhengaghyn as y lheid oc. Ta'n ennymockle conastagh "lesh" ennymockle elley, as t'eh cowraghey conastey eddyr y "chaireyder" echey as ennymockle elley.

Sampleyryn

Ayns Nahuatl Chlassicagh:

Ca ī-pan petlatl in mistōn.
Ve er.SHL breshag y chayt.
"Ta'n chayt er y vreshag."

Ayns Shapaanish:

Neko wa mushiro no ue ni neteiru.
Kayt BNC breshag SHL er/erskyn CASN cadley/lhie.
"Ta'n chayt er y vreshag."

Dy cadjin, ta ennymocklyn conastagh ass (ny kianglt rish) rheynnyn y chorp, myr sampleyr, "cooyl".

Imraaghyn

  1. ↑ P. H. Matthews (2007). "relational noun", The Concise Oxford Dictionary of Linguistics (Baarle). Oxford University Press. Feddynit er 21 April 2010.

Kianglaghyn mooie

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.