Eilean Cheap Bhreatainn
Cape Breton Island (Baarle)
Île du Cap-Breton (Frangish)
Unama'ki (Mi'kmawi'simk)
—  Ellan  —
Soiaghey Eilean Cheap Bhreatainn
Co-ordnaidyn: 46°10′N 60°45′W / 46.167°N 60.75°W / 46.167; -60.75
Çheer Y Chanadey
Queiggey Nalbin Noa
Eaghtyr
 - Yn clane 10,311 km² (3,981.1 mi ker)
Boayl s'yrjey 535 m (1,755 tr)
Earroo yn phobble (2016)
 - Yn clane 132,010
 - Glooaght y phobble 12.7/km² (32.9/mi ker)
Jalloo NASA landsat er Eilean Cheap Bhreatainn

She ellan er coose Atlantagh America Hwoaie eh Eilean Cheap Bhreatainn (Gaelg ny h-Albey er son Ellan Rheynn Vretin; Frangish: île du Cap-Breton, roie-ennym île Royale; Mi'kmawi'simk: Unamaꞌki)[1] She ayrn jeh'n wheiggey Nalbin Noa eh.

Ta'n ellan coontey stiagh 18.7% jeh eaghtyr ny h-Albey noa. Ga dy vel yn ellan scarrit magh ass lieh-innys ny h-Albey Noa liorish Keyllys Canso, ta Taagher Canso kiangley yn ellan rish y çheer vooar. Ta'n ellan soit shiar shiar hwoaie jeh'n çheer vooar as e chooseyn hwoaie as heear jeeaghyn magh er Lhoob Laurys Noo as y coose heear echey croo joarey hiar jeh Keyllys Northumberland. Ta ny cooseyn shiar as jiass jeeaghyn magh er y Cheayn Sheear as ta'n coose hiar croo joaraghyn sheear Cheyllys Cabot. Ta'n ellan cleayney seose voish yn jiass dys y twoaie raad ta'n thalloo jannoo çheer ard y rheynn hwoaie. Ta'n logh sailjey Bras d'Or ("Laue yn Airhey" 'sy Rangish) jannoo kioneys er mean-çheerey yn ellan as eh coontit mastey ny loghyn sailjey smoo er y theihll.

'Sy vlein 2016 va 132,010 deiney, ny 15% jeh pobble y wheiggey, cummal er yn ellan. Ta earroo yn phobble goll sheese fo 2.9% voish yn vlein 2011. Ta 75% jeh pobble yn ellan cummal ayns Baljaght Ardjynagh Cheap Bhreatainn.

Çhengey

Ta Coontey-pobble 2016 y Chanadey taishbyney nagh vel agh 40 loayreyderyn dooghyssagh ny Gaelgey ayns Ceap Bhreatainn.[2] Er y laue elley, ta lughtyn-thie as persoonyn er lheh t'er nyn doshiaghey ym-skeallee yn çhengey dys sheelogheyn noa. T'ad goaill stiagh loayreyderyn flaaoil voish ardjyn Gaelgagh ny h-Albey as loayreyderyn ren ynsaghey yn çhengey ayns Nalbin Noa as, ayns cooishyn er lheh, ren studeyryssyn er y çhengey ayns Nalbin. Ta immeeaghtyn aavioghee elley goaill stiagh ynsagh da deiney aasit, cruinnaghtyn cultooragh theayagh as soilsheeyn magh.[3]

Jeeagh er neesht

Imraaghyn

  1. ↑ Destination Cape Breton Association Inc., Cape Breton Island (24 Averil 2019). "About the Island". www.cbisland.com. Feddynit magh er 2020-09-23.
  2. ↑ Government of Canada, Statistics Canada (8 Toshiaght Arree 2017). "Census Profile, 2016 Census - Cape Breton, County [Census division], Nova Scotia and Nova Scotia [Province]". www12.statcan.gc.ca. Er ny hashtey veih’n lhieggan bunneydagh er 20 Jerrey Fouyir 2021. Feddynit magh er 22 Mean Fouyir 2020.
  3. ↑ McEwan, Emily (2017). "Contrasting Gaelic Identities". Er ny hashtey veih’n lhieggan bunneydagh er 13 Jerrey Geuree 2019. Feddynit magh er 13 Jerrey Geuree 2019.
She bun ta'n art shoh. Cur rish, son foays y yannoo da Wikipedia.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.